सुनसरी । सुनसरीको भोक्राहा नरसिंह–८ का आग्नि पीडितहरुलाई प्रदेश सांसद हाजी इसराईल मन्सुरीले राहत समाग्री उपलब्ध गराएका छन् ।
प्रदेश सांसद मन्सुरीले आफ्नो व्यक्तिगत कोषबाट सो वडाका ६ जना अग्नि पीडितहरुलाई राहत समाग्री उपलब्ध गराएका हुन् ।
भोक्राहा नरसिंह–८ का आग्नि पीडितहरु खुर्सिद आलम मियाँ, आलम मियाँ, रुकसना खातुन, हलिमन मियाइन, उमर अन्सारी र इरफान मियाँलाई प्रदेश सांसद मन्सुरीले प्रति परिवार १ बोरा चामल, २ बोरा भुजा, १ सेट कुर्ता सुरुवालको सुट, जुस प्याकेट ,चिनी,चना,तेल,साबुन र चियापत्ती लगायतको खाद्यन्न समाग्री वितरण गरिएको प्रदेश सांसद मन्सुरीका स्वकीय सचिव सेराज मियाँ (हुसैन) ले जानकारी दिएका छन् ।
सुनसरी–४(ख) बाट निर्वाचित भएका प्रदेश सांसद मन्सुरीले आगलागी भएको खबर पाउने वितिकै जानकारी लिएको र उनीहरुलाई तत्काल आवश्यक खाद्यन्न समाग्री लिएर पुगेको उनको स्वकीय सचिव मियाँले सुनसरी अनलाइनलाई जानकारी दिएका छन् ।
भोक्राहा नरसिंह–८ मा थेस्ररबाट आगलागी हुदाँ आइतवार तीन जनाको घर जलेर नष्ट भएको थियो । आगलागीबाट तीन जनाको घर जलेर नष्ट हुदाँ प्रदेश सांसद मन्सुरी लगायतको टिमले उनीहरुको अवस्था बुझदै राहत समाग्री उपलब्ध गराएको थियो ।
प्रदेश सांसद मन्सरीले सुनसरी अनलाइनसँग कुराकानी गर्दै जनताको सेवामा समर्पित रहेको बताएका छन् । जनताको सुरक्षा र रक्षा गर्नु हाम्रो मुख्य दायित्व भएकाले आफ्नो व्यक्तिगत कोषबाट राहत लिएर उनीहरुमा घरमै पुगेर समाग्री तत्काल उपलब्ध गराएको उनले बताए ।
सो कार्यक्रममा नेपाली कांग्रेस सुनसरीका सदस्य चनरदेव मेहता (बचेश्वर),राजेन्द्र प्रसाद मेहता, भोक्राहा नरसिंह–४ का वडा अध्यक्ष हारुन अन्सारी, भोक्राहा नरसिंह–८ का वडा अध्यक्ष उस्मान मिया,भोक्राहा नरसिंह–६ का वडा अध्यक्ष सराजुद्दिन अन्सारी लगायतकाले राहत समाग्री वितरण गरेका थिए ।
त्यसैगरी नेपाली कांग्रेस भोक्राहा नरसिंह–६ का वडा सभापति जमालुद्दिन मन्सुरी,समाजसेवी इशा अन्सारी,मोफिल अन्सारी, सशस्त्र प्रहरी बल उल्टीका प्रहरी निरीक्षक नवीन अधिकारी, प्रहरी चौकी उल्टीका प्रमुख अर्जुन मगर लगायतकाले सो राहत समाग्री वितरणमा सहजीकरण गरेका थिए ।
