लौकही । सुनसरीको कोशी गाउँपालीका वडा नम्बर ५ स्थित कुम्याहीमा केही दिनअगाडिबाट संचालनमा आएको प्रसुतीगृहमा पहिलो बच्चाको रूपमा बिहीबार बिहान ६ बजेर ५ मिनेटमा छोरी जन्मदिने इसरत जहाँ पुरस्कृत हुनुभएको छ ।
कोशी गाउँपालीकाका अध्यक्ष आदरणीय ऐयुब अन्सारीले उद्घाटन गर्दै प्रसुती गृहमा पहिलो बच्चा जन्मदिने आमालाई नगद ५ हजार दिने घोषणा अनुसार पुरस्कृत गरिएको छ ।
अध्यक्ष अन्सारीको अनुपस्थितीमा उक्त बच्चा जन्म दिने आमालाई उहाँका स्वकीय सचिव धर्मेन्द्र विश्वासले नगद रकम हस्तान्तरण गर्नुभएको हो ।
यस्तै सोही महिलालाई आफूले गरेको घोषणा अनुसार कोशी गाउँपालीकाकी उपाध्यक्ष अनितादेवी यादवले नगद ३ हजार र कोशी गाउँपालीका वडा नम्बर ५ का अध्यक्ष शाह जमालज्युले नगद २५ सय रुपैयाँबाट प्रसुती गृहमा पहिलो बच्चा जन्मदिने आमालाई पुरस्कृत गर्नुभएको छ ।
