सुनसरी । जिल्ला समन्वय समिति महासंघका केन्द्रिय अध्यक्ष समेत रहेका जिल्ला समन्वय समिति सुनसरीका प्रमुख राजन मेहतालाई राष्ट्रिय समन्वय परिषद् समितिका सदस्यमा मनोनीत गरेको छ ।
प्रधानमन्त्री तथा मन्त्रिपरिषद्को कार्यालय सिंहदरबारमा बसेको राष्ट्रिय समन्वय समितिको बैठकले मेहतालाई सो समितिमा सदस्यमा मनोनीत गरेको हो ।
राष्ट्रिय समन्वय समितिका अध्यक्ष समेत रहेका प्रधानमन्त्री पुष्षकमल दाहाल प्रचण्ड नेतृत्वमा गत जेठ २६ गते बसेको बैठकको निर्णायानुसार परिषद्को सदस्यमा मेहतालाई मनोनीत गरेको प्रधानमन्त्री तथा मन्त्रिपरिषद्को कार्यालय प्रादेशिक समन्वय शाखा सिंहदरबारले जनाएको छ ।
संघ,प्रदेश र स्थानीय तहबीचको समन्वय तथा अन्तरसम्बन्ध व्यवस्थित गर्न संघ, प्रदेश र स्थानीय तह (समन्वय तथा अन्तरसम्बन्ध) ऐन २०७७ को दफा १६ बमोजिम राष्ट्रिय समन्वय परिषद्को सदस्यमा मनोनीत गरेको जनाइएको छ ।
उपसचिव चक्रपाणी शर्माद्वारा हस्ताक्षरित मनोनीत पत्रमा भनिएको छ, ‘सरकारका तीनै तहबीचको समन्वय प्रभावकारी बनाउन महत्वपूर्ण भूमिका निर्वाह गर्नुहुनेछ भन्ने विश्वास छ ।’
जिल्ला समन्वय समिति महासंघका अध्यक्ष तथा जिसस सुनसरीका प्रमुख मेहताले प्रधानमन्त्री तथा परिषद्को कार्यालयमा बसेको बैठकले उक्त समितिका अध्यक्षले विश्वास गरेर दिएको जिम्मेवारी इमान्दारिताका साथ निर्वाह गर्ने बताएका छन् ।
संघ,प्रदेश र स्थानीय तहबीच समन्वय, सहकार्य गरि काम गर्ने उनले प्रतिवद्धता व्यक्त गर्दै आप्mनो काँधमा थपिएको जिम्मेवारीले असल नेतृत्वको पहिचान दिलाउने गरी आगाडी बढने सुनसरी अनलाईनको कुराकानीमा बताए ।
समितिको अध्यक्ष प्रधानमन्त्री प्रचण्ड लगायतकाले विश्वास गरेको दिएको जिम्मेवारीप्रति वफादार बनेर काम गर्न उत्प्रेरणा जगाउने सबैमा उनले हार्दिक धन्यवाद सहित अभार प्रकट गरेको छ ।
मेहता २०७४ को स्थानीय तहको निर्वाचनमा भारी मतान्तरले इनरुवा नगरपालिकाको प्रमुखमा निर्वाचित भएर पाँच वर्ष कुशल नेतृत्व निर्वाह गरेका थिए । मेहता नेपाली कांग्रेस इनरुवा नगर कार्य समितिका सभापतिको जिम्मेवारी समेत सम्हालेका छन् ।
