वि.पी कोइराला ४१ औँ स्मृति दिवसको अवसरमा सुनसरी कांग्रेसले जिल्ला सम्मेलन गर्न लागेको जिल्ला सभापति केदार भण्डारीले जानकारी दिए ।
पार्टी सभापति शेर बहादुर देउवाले महामानव वी.पी कोइरालाको इनरुवा-९ बबियामा रहेको पूर्ण कदको सालिक अनावरण गर्ने कार्यक्रम सुनसरी कांग्रेसले तय गरेको छ ।
सभापति देउवाले सोही दिन जिल्लास्थित कार्यकर्ताहरुसँग भेटघाट गर्ने कार्यक्रमसमेत रहेको सुनसरी काङ्ग्रेसले जनाएको छ ।
नेपाली कांग्रेसका सभापति सुनसरी आउने भएपछि सुनसरी कांग्रेसले भव्यताका साथ सम्मेलनलाई सफल बनाउन आ–आफ्नो क्षेत्र र तहबाट पाटीका सबै पदाधिकारी र सदस्यहरु लगायत सबैलाई सहयोग गर्न पार्टीले अनुरोध गरेको छ ।
कांग्रेस सुनसरीले जिल्ला सम्मेलनमा सहभागिताका लागि केन्द्रीय सदस्यहरु, कोशी प्रदेश पदाधिकारी, जिल्ला पदाधिकारी तथा सदस्यहरु प्रतिनिधि सभा निर्वाचन क्षेत्रका पदाधिकारी तथा सदस्यहरु, प्रदेश निर्वाचन क्षेत्रका पदाधिकारी तथा सदस्यहरुको सहभागिता रहनेछ ।
त्यसैगरि पालिकाका पदाधिकारीहरु तथा सदस्यहरु, वडाका पदाधिकारीहरु तथा सस्यहरु, टोल समितिका पदाधिकारी तथा सदस्यहरु, भातृ संघ संस्था एवं सुभेच्छुक, संघ संस्थाका पदाधिकारीहरु तथा सदस्यहरु र सम्पूर्ण क्रियाशील सदस्यहरु, साधारण सदस्यहरुका साथै नेपाली कांग्रेसप्रति आस्था प्रकट गर्ने र शुभचिन्तकहरुलाई उपस्थितिका लागि निमन्त्रणा गरेको सुनसरी काङ्ग्रेस सचीव विरेन्द्र शाहले जानकारी दिए ।
