हरिनगर । सुनसरीको हरिनगर गाउँपालिका वडा नम्बर–४ मा पहिलो पटक रथ यात्राको आयोजना गरिने भएको छ ।
हरिनगर–४ का युवाहरुको सक्रिय सहभागितामा पहिलो पटक रथ यात्राको आयोजना हुन लागेको आज पत्रकार सम्मेलनमार्फत जानकारी गराएका छन् ।
हरिनगर–४ का युवाहरुले चन्दा संकलन गरेर भदौं २१ गते बिहीवार हरिनगरा बजार स्थित रहेको मन्दिरबाट साविकको ९ वटै वडालाई केन्द्र बिन्दु बनाई रथ यात्रा निकाल्ने समितिका संयोजक मनोज कुमार राउतले जानकारी दिएका छन् ।
हरिनगर गाउँपालिकाभित्र पहिलो पटक रथ यात्राको आयोजना हुने भएकाले हिन्दु धर्मावलम्बीहरुलाई सहभागि भई सफल बनाउनका लागि उनले अनुरोध गरेका छन् ।
यसैगरि हरिनगर–४ का वडाध्यक्ष देवनारायण मेहताले पहिलो पटक रथ यात्रा हुने भएकाले वडाबासीहरुलाई सहभागिताका लागि अनुरोध गर्दै युवाहरुको सकारात्मक काम गरेकोप्रति खुशी व्यक्त समेत गरेका छन् ।
गाउँपालिका र वडा कार्यालयबाट समेत सहयोग नलिईकन उनीहरु आफै चन्दा संकलन गरेर भब्य रथ यात्रा गर्न लागेको हुदाँ सफल तुल्याउन सबै एकजुट भएर लाग्नुपर्ने उनले बताए ।
विगतका वर्षहरुमा रथ यात्रा हेर्नका लागि बिराटनगर र इनरुवा जानुपर्ने बाध्यता हटेर जाने आयोजक समितिले जानकारी दिए ।
रथ यात्रा भब्य र सब्य बनाउनका लागि युवा,नागरिक समाज, बुद्धिजीवि, स्थानीय प्रशासन, प्रहरी, सञ्चारकर्मी, समाजसेवी लगायतकाले सफल बनाउनका लागि अहक भूमिका रहने आयोजकको विश्वास छ ।
