सुनसरी । सुनसरी क्षेत्र नम्बर-४(ख) का प्रदेशसभा सदस्य हाजी डाक्टर इस्राइल मन्सुरीले आ-आफ्नो ठाँउबाट संविधानको रक्षा गर्नु सबैको दायित्व भएको बताउनु भएको छ ।
सुनसरीको भोक्राहा नरसिंह गाउँपालिका-८ मा आज वृक्षारोपण कार्यक्रमलाई सम्बोधन गर्नुहुँदै प्रदेश सभा सदस्य मन्सुरीले प्राप्त उपलब्धिहरुलाई संस्थागत गर्नुपर्ने सबैको दायित्व भएको बताउनुभयो ।
हाजी मन्सुरीले २०७२ साल असोज ३ गते संविधान जारी भएकोले संविधानको रक्षा गर्दै संघीयताको कार्यान्वयनले संघीय, प्रदेश र स्थानीय तहबाट विकास र समृद्धिका लागि सरकारले तिव्र रुपले कामलाई अगाडि बढाएको बताउनुभयो ।
जनतालाई अनुभुती हुने गरी संघ, प्रदेश र स्थानीय तहले विकासका कामहरुलाई तिव्रताका साथ अगाडी बढाएकोले सरकारले संविधानमा भएका कमि कमजोरीहरुलाई सच्याउन आवश्यक रहेको हुँदा नेपाली काङ्ग्रेसको नेतृत्वमा सबै कामहरु अगाडी बढ्ने दावी गर्नुभयो ।
२०६२/६३ को जन आन्दोलन,मधेस आन्दोलन र जन विद्रोहबाट प्राप्त संविधानका आधारमा सबै जातजातिको अधिकार सुनिश्चित भएकाले विश्वकै सर्वोत्कृष्ट संविधानलाई अझ प्रभावकारी बनाउन सबै दल एक ठाँउमा आएर सहमति सहकार्य र एकताबाट भुमिका निर्वाह गर्नुपर्नेमा उहाँले जोड दिनुभयो ।
संविधान दिवसको अवसरमा नेपाली काङ्ग्रेस भोक्राहा नरसिंह गाउँ कार्यसमितिको उपसभापति मुस्ताक मियाँको अध्यक्षतामा र कोशी प्रदेश सभा सदस्य माननीय हाजी डा. इस्राइल मन्सुरीकाे प्रमुख अतिथित्यमा भोक्राहा नरसिंह-८ इदगाहमा विभिन्न जातको ५० थान बिरुवा रोपी वृक्षारोपन कार्यक्रम सम्पन्न भएको नेपाली काङ्ग्रेस सुनसरी क्षेत्र नम्बर-४ का क्षेत्रीय सचिब जुगेश्वर यादवले जानकारी दिनुभयो ।
