इनरुवा । सुनसरीको भोक्राहा नरसिंह-२ का युवा खेलाडीहरुलाई जर्सी वितरण गरेको छ ।
भोक्राहा नरसिंह-२ नम्बर वडा कार्यालयले एमटी माउन्ट एभरेष्ट युवा क्लव भोक्राहा नरसिंह-२ खेरा टोल मंसुरी चौकका खेलाडीहरुलाई जर्सी वितरण गरेको हो ।
भोक्राहा नरसिंह-२ का वडाध्यक्ष आलम अन्सारीले एमटी माउन्ट एभरेष्ट युवा क्लव भोक्राहा नरसिंह-२ खेरा टोल मंसुरी चौकका खेलाडीहरुलाई जर्सी हस्तान्तरण गरेका छन् ।
जर्सी हस्तान्तरण कार्यक्रमलाई सम्बोधन गर्दै वडाध्यक्ष अन्सारीले खेलकुद विकासका लागि २ नम्बर वडा कार्यालयले युवाहरुलाई प्रोत्साहन गर्न लागि परेको बताएका छन् ।
आफ्नै वडामा स्थानीय खेलाडी उत्पादन गर्नुले खेल जगतमा छुट्टै पहिचान कायम गर्नका लागि अहिलेदेखि नै खेलाडीहरुको मनोबल उच्च बनाउनका लागि जर्सी वितरणले मद्दत पुग्ने उनले बताए ।
भोक्राहा नरसिंह गाउँपालिका वडा नम्बर-२ खेरा टोल मंसुरी चौकका युवा खेलाडीहरुले खेलकुद समाग्री पनि उपलब्ध गराउन वडाध्यक्ष अन्सारीलाई अनुरोध गरेका छन् ।
जर्सी उपलब्ध गराएकोमा वडाध्यक्ष अन्सारीसहित वडा कार्यालय परिवारप्रति एमटी माउन्ट एभरेष्ट युवा क्लबका अध्यक्ष साहिल मन्सुरीले धन्यवाद प्रकट गरेका थिए ।
भोक्राहा नरसिंह गाउँपालिका वडा नम्बर-२ काे कार्यालयले यस अघि ८ वटा टिमलाई जर्सी वितरण गरिसकेको वडा कार्यालयले जनाएको छ ।
