इनरुवा । सुनसरीको भोक्राहा नरसिंह गाउँपालिकाका अध्यक्ष अजमल अख्तर अजादले सबै जातजातिको धर्म संस्कृतिलाई संरक्षण गर्नुपर्ने बताएका छन ।
नेपाल राष्ट्रिय झाँगड उराँव नृत्य तथा साँस्कृतिक कार्यक्रमलाई सम्वोधन गर्दै अध्यक्ष अजादले उराँव समुदायले मनाउने कर्माधर्मा पर्वलाई स्थानिय सरकारले महत्वका साथ हेरेको भन्दै धर्म, कला, संस्कृति र साहित्यलाई जर्गेना गर्नुपर्ने बताएका हुन ।
उराँव समुदायहरुले मनाउने कर्माधर्मा पर्वको समापन कार्यक्रममा भोक्राहा नरसिंहका अध्यक्ष अजादले नृत्य गर्ने टिमलाई पोशाक हस्तान्तरण गर्ने र सदैव उराँव समुदायलाई सम्मानका साथ स्थानिय सरकारले हेर्दै आएको उनको तर्क छ ।
स्थानिय तहको निर्वाचनमा नेपाली काङ्ग्रेसबाट टिकट पाएर निर्वाचन जितेको हुदाँ आफुले उराँव जातिको संरक्षण र सम्वर्दन गर्न सदैव लागि परेको उनले बताउँदै उराँव समुदायबाट नेपाली काङ्ग्रेसले पालिकाको उपाध्यक्षको टिकट दिएर निर्वाचित गराउनुले नै उराँव समुदायको गौरवको कुरा भएको बताए ।
नेपाली कांगेस पार्टीले मात्र उराँव समुदायको मान सम्मान र इज्जत गर्ने भएकाले सबै जातजातिको राजनीतिकमा पहुँचको सुसुनिश्चित गर्ने नेपाली काङ्ग्रेस पार्टी भएको उनले दावी समेत गरे । उराँव समुदायको अधिकार संरक्षण र सम्वद्र्धन गर्न स्थानिय सरकारको हैसियतले कटिबद्ध रहेको अध्यक्ष अजादको भनाई छ ।
भोक्राहा नरसिंह–२ को म वडाबासी भएको हुदाँ पनि आज म धेरै नै हर्षित भएको छु उनले भने, ‘कर्माधर्मा पर्वको समापनमा उराँव समुदायले उत्साहका कर्माधर्मा पर्व समापन गरेको बेला पोशाक वितरणसँगै व्यक्तिगत खर्चमा खाना खर्च समेत उपलब्ध गराउने छु ।”
भोक्राहा नरसिंहको अभिभावक भएकोले कुनै संकोच नमानी निर्धक्क भएर गुनासो,सल्लाह र सुझाव तथा समस्या समयमै राख्न सके आफुले समाधान गर्नेतर्फ अग्रसर हुने उनले सबैलाई अनुरोध गरे ।
कार्यक्रममा भोक्राहा नरसिंह वडा नम्बर–२ का वडाध्यक्ष आलम अन्सारी, नेपाल पछिडावर्ग ओबिसी महासंघ भोक्राहा नरसिंहका अध्यक्ष जयप्रकाश ठाकुर, संचारकर्मी लगायतका उराँव समुददायका व्यक्तित्वहरुको सहभागिता रहेको थियो ।
