टोमराज मेहता
सुनसरी । कोशी प्रदेशसभाका ज्येष्ठ सदस्य इस्राइल मन्सुरीले भोलिदेखि प्रदेशसभा बैठकको अध्यक्षताको जिम्मेवारी पाएका छन् ।
कोशी प्रदेशसभाकी उपसभामुख सृजना दनुवार मित्रराष्ट्र अष्ट्रेलियामा २६ नोभेम्बर देखि १ डिसेम्बर सम्म अर्थात मंसिर १० गतेदेखि १६ गतेसम्म हुने कार्यक्रममा सहभागि हुने भएकाले सभामा प्रदेशसभा सदस्य मन्सुरीले बैठकको अध्यक्षताको जिम्मेवारी पाएका हुन् ।
उपसभामुख दनुवारले आफनै कार्यकक्षमा प्रदेशसभा सदस्यलाई बैठकको अध्यक्षताको जिम्मेवारी पत्र हस्तान्तरण गरेकी छिन् ।
कोशी प्रदेशसभाको बैठकमा समाभुख र उपसभामुख अनुपस्थित भएको आवस्थामा बैठकमा ज्येष्ठ सदस्यहरु अम्बरबहादुर विष्ट, मालती लिम्बु बिशेष कामले जिम्मेवारी सम्हाल्न असमर्थ भएकाले उपसभामुख दनुवारले मन्सुरीलाई भोलिदेखि बैठकको अध्यक्षता गर्न जिम्मेवारी दिएकी हुन् ।
उपसभामुख उपस्थित नहुनजेलसम्मका लागि प्रदेशसभा नियमावली २०७४ को पहिलो संशोधन २०७५ को नियम ११ को उपनियम २ बमोजिमको अधिकार प्रयोग गर्ने गरी चालु प्रदेश सभाको अधिवेशनका बैठकका उपस्थित भई बैठकको अध्यक्षता गर्न हुन सूचनामा उल्लेख गरिएको छ ।
नेपाली कांग्रेसको तर्फबाट टिकट पाएर सुनसरी क्षेत्र नम्बर–४(२) बाट निर्वाचित भएका मन्सुरीलाई कोशी प्रदेशसभामा दोश्रो पटक ज्येष्ठ सदस्यको हैसियतले जिम्मेवारी पाएका हुन् ।
कोशी प्रदेशसभामा पहिलो पटक भदौ ४ गते मन्सुरीले ज्येष्ठ सदस्यको हैसियतले बैठकको अध्यक्षता गरेका थिए ।
कोशी प्रदेशसभामा दोश्रो पटक बैठकको अध्यक्षता गर्ने जिम्मेवारीको पत्र
कोशी प्रदेशसभामा पहिलो पटक बैठकको अध्यक्षता गर्ने जिम्मेवारीको पत्र
