इनरुवा। सुनसरी कोसी गाउँपालिका ३ का गुलाबी मुखियाले छोरीको बिहेका लागि सबै तयारी गरिरहेका थिए ।
मुखिया परिवारले २०/२२ बर्षीया छोरी रन्जुकुमारी मुखियाको बिहेका लागि घर सिँगारेर चिटिक्क पार्नुका साथै आफन्त तथा समाजका मानिसलाई निम्तो समेत पुर्याइसकेका थियो ।
गुलावी मुखियाले छोरीको बिहेका लागि पठाएको निम्तो अनुसार पाहुनाको आउने क्रम समेत जारी रहेको थियो । छिमेकी विवाहको अन्तिम तयारीमा लागेका थिए ।
सोमबार छोरीको बिहे हुने भनेर गुलावीले छोरीलाई दिइने सबै सामग्री सहित आउने आगन्तुकलाई भोज भतेर खुवाउनका लागि आवश्यक पर्ने सबै सामग्री ल्याइसकेका थिए ।
गुलावी मुखिया आर्थिक रुपले बिपन्न भएपनि छिमेकी तथा आफन्तबाट सापटी लिएर भएपनि छोरीलाई धुमधामका साथ बिदाई गरु भने उदेश्यले बिहेका लागि आवश्यक पर्ने र छोरीलाई बिदाई हुदा दिने केही सामग्री ल्याइसकेका थिए भने अरुको जोहे गर्दै थिए ।
छोरीका बिहेलाई धुमधामसंग सम्पन्न गर्ने उदेश्यले लागिपरेका गुलावी मुखियाको परिवारमा बज्रपात परेको छ ।
छोरीलाई कोसी टप्पु वनय जनतु आरक्षबाट आएको जङगली अर्नाले आक्रणका कारण रञ्जुको मृत्यु भएको खवसर सुनेपछि गुलावी मुखिया परिवार मुर्छित परेका छन् ।
माछा मारेर जिविको पार्जन गर्दै आएका मुखिया परिवारले छोरीको बिहेमा राम्रो संग रमाइलो गरौला भनेर लागि परेकामा अर्नाको आक्रमणबाट बेहुली हुने छोरीको मृत्यु भएपछि बिहे गर्नका लागि तयारी गरेकी छोरीको अहिले कृया गर्नुपर्ने अवस्था आएको छ ।
घरबाट करिव डेढ किलोमिटर पश्चिम कोसी किनारमा घाँस काट्न पुगेकी रञ्जुलाई अर्नाले आक्रमण गरेको थियो । सानो झुण्डमा रहेको अर्नाले भाग्ने क्रममा आक्रमण गरेको स्थानीय हरिराम यादवले बताउनुभयो ।
घाइते भएर ढलेपछि अर्नाले आक्रमण गर्न नछाडेका कारण रन्जुकुमारीको घटना स्थलमै निधन भएको स्थानीयवासी यादवको भनाई रहेको छ ।
सप्तरीको कञ्चनरुप नगरपालिकाकाका दुलहा सँग दुलही बन्ने तयारीमा रहेकी रन्जुकुमारीको सोमबार बेहुली बन्नु अगाडी नै आइतबार आगोमा बिलिन हुनु परेको छ ।
पीडित परिवारलाई क्षतिपूर्ति दिने कोशीटप्पु वन्यजन्तु आरक्षले आश्वासन दिएको छ । आरक्षले वन्यजन्तुको आक्रमणबाट मृत्यु भएका परिवारलाई दश लाख उपलब्ध गराउँदै आएको छ ।
आर्थिक वर्ष २०७०/७१ देखि हाल सम्ममा हात्तीको आक्रमणले ३४ जना घाइते भएका छन् भने १६ जनाको मृत्यु भएको कोसी टप्पु वन्य जन्तु आरक्ष प्रशासन शाखाले जनाएको छ । अर्नाको आक्रमणमा परि ४३ घाईते भएका छन् भने रन्जुकुमारी सहित ४ जनाको मृत्यु भएको छ ।
