इनरुवा । सुनसरी सदरमुकाम समेत रहेको इनरुवा नगरपालिकाले बिकास निर्माणको कार्यलाई प्राथमिकता दिदै अगाडि बढ्दै गएको छ । नगरपालिकाले नगर भित्र शिक्षा, स्वास्थ्य, कृषि लगायतका क्षेत्रमा देखिएको समस्या समाधान गर्दै भौतिक पूर्वाधार, सडक, पुल निर्माणको कार्यलाई तिब्रता दिएको छ ।
इनरुवा नगरपालिकाका प्रमुख केदार भण्डारीको अग्रसरतामा नगर क्षेत्र भित्रमा जनताले माग गरेको अधारमा सडकबाटो मर्मत सम्भार, कालोपत्रे, पुल निर्माण, बिद्यालयमा भौतिक संरचना निर्माण, सडकको ग्राइभेल लगायतका कार्यमा तिब्रता दिएको हो ।
इनरुवा १ र ५ को बीचमा रहेको बलाहा पुल लामो समय देखि नबन्दा त्यो बाटो भएर आवतजावत गर्ने सवारीसधानलाई समस्या हुदै आएकोमा नगरपालिकाको बिकासे बजेटबाट २ वटा पुल निर्माणको कार्य सम्पन्न गरेको इनरुवा नगरपालिकाका प्रमुख केदार भण्डारीले बताउनुभयो ।
प्रचवि बिल्डर्स इनरुवा २ सुनसरीले पुल निर्माणका लागि ठेक्का लिएका थिए । इनरुवा नगरपालिकालको ३८ लाखको लागमा पुल निर्माणको कार्य समय अगाबै सम्पन्न भएको प्रचवि बिल्डर्स इनरुवा २ का प्रकाश मेहताले बताउनुभयो । पुल निर्माणको कार्य भएपछि लामो तथा छोटो दुरीका सवारीसधानलाई आवतजावत गर्नका लागि सहज भएको छ भने स्थानीयवासीलाई समेत सहजता भएको स्थानीयवासीको भनाई रहेको छ ।
लामो समय देखि साङघुरो पुलका कारणले सवारीसधानलाई आवतजावत गर्ने बेलामा लाइनमा बस्नुपर्ने बाध्यता हुनुका साथै दुर्घटनाको समेत जोखिम रहेकामा पुलि निर्माणको कार्य भएपछि सहजता भएको सवारी चालक विकास गुप्ताको भनाई छ । २२ फिट चौडाई सहित कालोपत्रे र दुई तर्फ रेलिङग निर्माण गर्ने योजना रहेको मेहताले बताउनुभयो ।
निर्वाचनका बेलामा जनता सामु गरेको प्रतिवद्धता अनुसार विकास निर्माणका कार्यलाई प्राथमिकता दिएको इनरुवा नगरपालिकाका प्रमुख भण्डारीको भनाई छ । त्यसैगरी इनरुवा १ स्थित अस्पताल रोडको टेम्पु स्टेण्ड सम्मको बाटोको कालोपत्रे कार्य भएपछि समेत स्थानीयलाई सहज भएको नगर क्षेत्रभित्रका व्यवासयले बताउनुभयो ।
लामो समय देखि इनरुवा १ सुपरमार्केट देखि टेम्पू स्टेण्ड सम्मको बाटोमा आवतजावत गर्दा सुख्खा समयमा धुलामय र बर्षाको समयमा हिलामय बाटो भएर आवतजावत गर्दै आएकोमा कालोपत्रे बाटो निर्माण भएपछि स्थानीयवासी तथा सवारी चालकलाई समेत आवतजावत गर्नका लागि सहज भएको छ ।
बाटो नहुदा त्यो बाटो भएर आवतजावत गर्ने बेलामा सवारी सधान बिग्रीनुका साथै सवारीसधानमा बिभिन्न किसिमको समस्या हुदै आएकोमा बाटोमा कालोपत्रे भएपछि सहजता भएको सवारी धनी चन्दन मेहताले बताउनुभयो ।
