इनरुवा । सुनसरी देवानगन्ज गाउँपालिका–४ का आगलागि पीडित परिवारलाई नेपाली काङग्रेस सुनसरीले बिहिबार राहत वितरण गरिएको छ ।
आगलागीबाट पीडित भएका स्थानीय कालादेबी पालको परिवारलाई राहत वितरण गरिएको हो । नेपाली काङग्रेसका केन्द्रीय सदस्य राजिब कोइराला सहितको टोलीले पीडित परिवारलाई राहत वितरण गरिएको हो ।
पीडित परिवारलाई त्रिपाल, भुजा, तेल, नुन, चामल सहितको खाद्यन्न सामग्री प्रदान गरेको नेपाली काङग्रेसका जिल्ला सभापति तथा इनरुवा नगरपालिकाका प्रमुख केदार भण्डारीले जानकारी दिनुभयो । आगलागीमा परेर पाल परिवारको घर, घरमा भएको सबै सामग्री जलेर नष्ट भएको थियो ।
