इनरुवा । ७४ औं राष्ट्रिय प्रजातन्त्र दिवसको अवसर पारेर इनरुवा जेसीजले जिल्ला अस्पताल इनरुवाका बिरामीहरुलाई फलफुल वितरण गरेको छ । जिल्ला अस्पताल सुनसरीको इनरुवामा भर्ना भएका १५ जना भन्दाबढी बिरामीहरुलाई इनरुवा जेसीजले फलफुल वितरण गरेको हो ।
प्रजातन्त्र दिवसको अवसरमा आयोजित फलपूmल वितरण कार्यक्रमलाई सम्वोधन गर्नुहुँदै नेपाली कांग्रेसका केन्द्रिय सदस्य राजीव कोइरालाले अस्पताल भर्ना भएका बिरामीहरुलाई फलपूmल वितरण गर्नु सकारात्मक कुरा भएको बताउनुभयो । उहाँले जिल्ला अस्पताल इनरुवामा उपचार गर्न भर्ना भएका बिरामीहरुको स्वास्थ्य लाभको कामना गर्दै वीर शहीदहरुप्रति श्रद्धासुमन अपर्ण गर्नुभयो ।
केन्द्रिय सदस्य कोइरालाले स्थापनाकालदेखि नै इनरुवा जेसीजले बिभिन्न आरोह अवरोह पार गर्दै रचनात्मक काम गर्दै आएको बताउनुभयो । जेसीजले युवा नेतृत्व उत्पादन गर्ने संस्था भएकाले बेला–बेलामा युवाहरुले अवसर पाएर नयाँ बाटोतर्फ लम्किरहेको समेत उहाँले बताउनुभयो ।
इनरुवा जेसीजले प्रजातन्त्र दिवसको अवसरमा अस्पतालको इर्मेजेन्सी र अन्य कक्षमा उपचार गराइरहेका बिरामीलाई फलफुल वितरण गरिएको इनरुवा जेसीजका अध्यक्ष बिकेश कुमार मेहताले बताउनुभयो । उक्त अवसरमा जिल्ला अस्पताल सुनसरी इनरुवामा रक्तदान कार्यक्रम समेत सम्पन्न भएको जनाइएको छ ।
इनरुवा जेसीज वर्ष २०२४ का अध्यक्ष बिकेश मेहताको अध्यक्षतामा कार्यक्रम सम्पन्न भएको थियो । कार्यक्रमका प्रमुख अतिथि नेपाली कांग्रेसका केन्द्रिय सदस्य तथा पूर्व अध्यक्ष राजीव कोइराला, विशिष्ट अतिथि जिल्ला समन्वय समिति महासंघका सभापति राजन मेहता, नेपाली कांग्रेस सुनसरीका सभापति तथा इनरुवा नगरपालिका प्रमुख केदार भण्डारी , सुनसरी कांग्रेसका सचिव बीरेन्द्र साहको सहभागिता रहेको थियो ।
त्यसैगरी सुनसरीका प्रमुख जिल्ला अधिकारी जयनारायण अचार्य, सुनसरीका प्रहरी प्रमुख प्रहरी उपरीक्षक वीपिन रेग्मी, जिल्ला अस्पताल सुनसरी इनरुवाका प्रमुख श्रीया पंगेनी, इनरुवा नगरपालिकाकी उपप्रमुख जमुना गौतम पोखरेल तथा बिभिन्न पार्टीका प्रतिनिधिहरुको सहभागिता रहेको इनरुवा जेसीजका महासचिव सत्य नारायण (सत्य) यादवले जानकारी दिनुभयो ।
