इनरुवा । सुनसरी सदरमुकाम इनरुवा १ जेलफिल्ड ब्रहमदेव मेहताको घर देखि दक्षिण जानेबाटोमा नाला निर्माण तथा सडक मर्मत सम्भारको काम भएको छ ।
इनरुवा नगरपालिकाको बजेटबाट ब्रहमदेव मेहताको घर देखि दक्षिण जानेबाटोमा नाला निर्माण तथा सडक मर्मत सम्भारको काम भएको हो । इनरुवा नगरपालिकाको चालु आर्थिक बर्ष २०८०/०८१ को बजेटबाट नाला निर्माण तथा सडक मर्मत सम्भारको काम भएको इनरुवा नगरपालिकाका प्रमुख केदार भण्डारीले बताउनुभयो ।
नगरपालिकाको ४० लाख ४ सय ६४ रुपैयाँ २३ पैसाको लागतमा पक्की नाला निर्माण तथा सडक मर्मत सम्भारको काम भएको इनरुवा नगरपालिकाका प्रमुख भण्डारीले बताउनुभयो ।
नगरपालिकाले पक्की नाला तथा बाटो मर्मत सम्भारका लागि ७६ लाख ३९ हजार ४ सय १८ रुपैयाँ २३ पैसाको टेण्डर आह्वान गरेकोमा आर.एस. कन्ट्रक्सन जनकपुर धामले ४० लाख ४६४ रुपैयाँ २३ पैसामा निर्माण गर्ने भनि टेण्डर कवुल गरेको थियो । निर्माण कम्पनीले कवुल गरे अनुसारको पक्की नाला तथा बाटो मर्मत सम्भारको कार्य गरेको इनरुवा नगरपालिकाका उप–प्रमुख बिनिताकुमारी मेहताले बताउनुभयो ।
नाला तथा बाटो निर्माणको काम भएपछि स्थानीयवासी खुसी भएका छन् । बर्षाको समयमा हिलामय र सुख्खा समयमा धुलामयमा आवतजावत गर्नुपर्ने बाध्यता रहेकोमा पक्की नाला तथा बाटो मर्मत सम्भारको काम भएपछि राहत महसुस भएको स्थानीय दिपेश्वर मेहताले बताउनुभयो ।
पछिल्लो समय इनरुवा नगरपालिकाले उपभोक्ता समितिलाई हटाएर टेण्डर प्रक्रियाबाट विकास निर्माणको कार्य गर्न थालेपछि विकास निर्माणको कार्यले गति लिएको मेहताले बताउनुभयो ।
उपभोक्ता समितिबाट बिभिन्न किसिमको पूर्वाधारको काम गर्दा ढिलो हुने, समयमा काम नहुने लगायतको समस्या हुदै आएकोमा टेण्डर प्रक्रिया मार्फत विकास निर्माणको कार्य अगाडि बढाएपछि समयमै सम्पन्न हुने भएको मेहताले बताउनुभयो । इनरुवा नगरपालिकाले टेण्डर प्रक्रिया मार्फत गरेको पक्की नाला तथा बाटो मर्मत सम्भारको काम राम्रो भएको मेहताले बताउनुभयो ।
स्थानीयवासीलाई पानी निकासको समस्या हुदै आएकोमा नगरपालिकाले गरेको नाला निर्माणले स्थानीयवासी पानी निकासको समस्याबाट मुक्ति पाएको मेहताले बताउनुभयो । पछिल्लो समय इनरुवा नगरपालिकाको स्रोत, साधन र बजेटले भ्याएसम्मको विकास निर्माणको काम गरिरहेको मेहताले बताउनुभयो ।
इनरुवा नगरपालिकाका प्रमुख केदार भण्डारी, उपप्रमुख बिनिताकुमारी मेहता, इनरुवा १ का वडा अध्यक्ष प्रमोद पोखरेल र इनरुवा १ का वडा सदस्य प्रदिप ढकालको पहलमा पक्की नाला निर्माण र बाटो मर्मत सम्भारको काम भएको स्थानीयवासीको भनाई रहेको छ ।
