सुकदेब चौधरी
सुनसरी । सुनसरीको दुहबी न.पा. ७ अन्तरगत ग्रामिण क्षेत्रका अगुवा महिलाहरुलाई कानूनी सचेतना सम्बन्धि तीन दिवसीय तालिम बुधबार सम्पन्न भएको छ ।
दुहबी नगरपालिकाको सहयोग तथा आवाज नेपाल दुहबी सुनसरीको आयोजनामा रामगंज शाखा सिचाई भवनको हलमा संचाचालित कानूनी सचेतना तथा मुलुकी देवानी संहिता सम्बन्धि तीन दिवसीय तालिम सम्पन्न भएको हो ।
उक्त तालिममा परिवार समुदायमा देखा परको कानूनी अडचन तथा भोगेका समस्याहरु संग सम्बन्धित मुद्दाहरु अंश बण्डा, सम्बन्ध विच्छेद, घरेलु हिंसा, बोक्सीको अरोपमा गरिने अमानविय व्यवहार, विवाहको परिणाम, परिवारीक सम्बन्ध, जग्गा खिचोला, गाली बेइजती, तथा स्थानीय पालिकामा रहेका न्यायीक समितिले हेर्न मिल्ने विवादका विषयहरुलाई समेटिएर पवित्रा चौधरी र सुकदेब चौधरीले सहजीकरण गरेका थिए ।
सो समापन कार्यक्रमका प्रमुख अतिथि तथा दुहबी नगरपालिकाका उपमेयर मुनुका पोखरेल खतिवडाले ग्रामिण क्षेत्रमा ७५–८० प्रतिशत महिलाहरु माथि विभिन्न किसिमका हिंसाहरु भई रहेको हुन्छ ।
यस तालिममा थाहा पाएका कानूनी कुराहरु आफ्ना घर परिवार तथा समुदायमा समेत जानकारी गराई अप्यारामा परेका महिला, बालबालिका तथा जेष्ठ नागरिकको समस्याका विषयमा जो कोहीले पनि न्यायीक समिति तथा दुहबी नगरपालिकाले संचालन गरेको हटलाइन नम्बरमा उजुरी गर्न सक्ने छ । सो परेको उजुरीको सम्बन्धमा तत्काल न्यायीक समितिले एक्सनलाई घटनाका संलाग्नलाई कानूनी दायरामा ल्याउने तथा पीडितलाई न्यायको अनुभुत गराउन पहल गर्ने बताउनु भयो ।
सोही कार्यक्रमका अतिथि वक्ताहरुले शहर केन्द्रित विभिन्न सचेतना मुलक कार्यक्रम अब गाउँ लक्षित भई ग्रामिण क्षेत्रका महिलाहरुलाई कानूनको विषयमा जानकारी गराउँदा साना तिना मुद्दाहरु गाउँ मै वा न्यायीक समिति मार्फत मेलमिलाप गर्न सहज हुने धारणा राख्नु भयो ।
धारणा राख्ने वक्ताहरु लधुराम माझी, तुलाराम खाँ, पनुलाल चौधरी लगायत बोल्नु भएको आयोजक संस्थाकी कोशिला चौधरीले जानकारी दिइन । सो कार्यक्रममा ग्रामिण क्षेत्रका अगुवा ३० जना महिलाहरुको उपस्थिती रहेको थियो ।
