सुनसरी । सामाजिक संजालमा कमलनारायण दास लगायतका व्यक्तिहरुले समुदायको सद्भाव भाड्ने र मुस्लिम सहिष्णुता माथि आघात पुर्याएको भन्दै सुनसरी प्रशासन मार्फत प्रधानमन्त्रीलाई ज्ञापन पत्र बुझाएको छ ।
नेपाली मुस्लिम समाज सुनसरीको तर्फबाट सामाजिक सद्भाव माथि आघात पुर्याउने व्यक्तिहरुलाई कारवाही गर्नुपर्ने र हरिनगर निवासी दिलशाद सिद्धिकी उपर लगाएको गलत अभियोग खारिज गरि रिहाई गर्नुपर्ने माग सहितको ज्ञापन पत्र प्रमुख जिल्ला अधिकारी जयनरायण अर्चाय मार्फत प्रधानमन्त्रीलाई पठाएको हो ।
समाजका अध्यक्ष नईम अन्सारी र सचिब अकरम अलि तथा प्रवक्ता मोलाना साहवुद्धिन इस्लाही सहितको टोलीले ज्ञापन पत्र बुझाएको छ । दुई पृष्टको ज्ञापन पत्रमा कमलनारायण दास र हरिनगर ३ का जीवन मेहता लगायतकाले इस्लाम धर्मप्रति अघात पुर्याएको उल्लेख गर्दै छानविन गरि कार्वाहीको माग गरिएको छ ।
यसैबीच मुस्लिम अगुवाहरुले गुस्ताखे रसुललाई कार्वाही र सामाजिक सदभावको माग माग गर्दै र्याली तथा प्रधानमन्त्रीलाई ज्ञापन पत्र बुझाएका छन् । मुस्लिम समुदाय सुनसरीको व्यानरमा गुस्ताखे रसुललाई कार्वाहीको माग गर्दै प्रमुख जिल्ला अधिकारी जयनारायण आचार्य मार्फत प्रधानमन्त्रीलाई ज्ञापन पत्र बुझाएका हुन् ।
सदियौदेखीको समुदायको सदभाव र एकतालाई खललल पार्ने काम नगरी एक आपसमा मेलमिलाप हुनुपर्नेमा केही तत्वहरुले इस्लाम धर्म विरोधी अभिव्यक्ति दिएको भन्दै त्यसको विरुद्ध आफूहरुले ज्ञापन पत्र बुझाएको समुदायका अध्यक्ष मोलना अब्दुलाहा मदनीले जनाकारी दिनुभयो ।
