इनरुवा । नेपाली काङ्ग्रेसका केन्द्रिय सदस्य राजीव कोइरालाले पछिल्लो समय इनरुवा नगरपालिका विकास निर्माण संगै विभिन्न गतिविधिमा अगाडी बढ्दै गएको बताउनुभएको छ ।
सुनसरीको इनरुवामा आजबाट सुरु भएको प्रथम महोत्सव कार्यक्रमलाई सम्बोधन गर्नुहुँदै केन्द्रिय सदस्य कोइरालाले सो कुरा बताउनुभएको हो ।
उहाँले सुनसरीको सदरमुकाम भएर पनी इनरुवा पछाडी रहेकोमा अहिले आएर विकास निर्माणको कार्य सहित विकसित हुँदै गएको बताउनुभयो ।
सडक, भौतिक पुर्वाधार निर्माण, शैक्षिक सुधारका लागि कार्यक्रम, कृषिमा आत्मनिर्भर बन्नका लागि कार्यक्रमहरु संचालन भईरहेको उहाँले बताउनुभयो ।
नेता कोइरालाले बहुजातीय, बहुधार्मिक, बहुसांस्कृतिक, बहुभाषिक मुलुक भएको बताउनुहुदै सुनसरी पनि मिश्रित बसोबास भएको जिल्ला रहेको उल्लेख गर्नुभयो ।
इनरुवा महोत्सवले यश क्षेत्रको आर्थिक, धार्मिक, पर्यटकीय, कृषि लगायत क्षेत्रको विकास टेवा पुग्ने उहाले उल्लेख गर्नुभयो ।
सोही कार्यक्रमलाई सम्बोधन गर्नुहुँदै इनरुवा नगरका प्रमुख केदार भण्डारीले महोत्सवले सांस्कृतिक, धर्म संस्कृतिको प्रवर्द्धन गर्दै सामाजिक एकता कायम गर्नका लागि मदत पुगोस् भनी कामना गर्नुभयो ।
कार्यक्रममा संविधान सभा सदस्य सिताराम मेहता, इनरुवा नगर उपप्रमुख बिनिता मेहता, इनरुवा सुनसरीका प्रमुख जिल्ला अधिकारी जय नारायण आचार्य, प्रहरी प्रमुख एसपी विपिन रेग्मी, इनरुवा उधोग वाणिज्य संघका अध्यक्ष बिरेन्द्र साह, नेपाली काङ्ग्रेसका युवा नेता सुनोज निरौला लगायतको सहभागीता रहेको थियो ।
सन्तावन्न युवा क्लब इनरुवाको आयोजना र इनरुवा उधोग वाणिज्य संघको समन्वयमा सोमबारदेखि सुरु भएको महोत्सव आगामी जेठ ७ गतेसम्म संचालन हुनेछ ।
महोत्सवबाट एम्बुलेन्स खरिद गर्ने लक्ष्य रहेको सन्तावन्न युवा क्लव इनरुवाका अध्यक्ष सत्य नारायण यादव (सत्या ) ले जानकारी दिनुभयो ।
कार्यक्रम सन्तावन्न युवा क्लबका विकेश मेहताले संचालन गर्नुभएको थियो । महोत्सवलाई सब्य भव्य र सफल बनाउन इनरुवाबासिलाई आयोजकले अनुरोध गरेको छ ।
