काठमाडौं । हरिनगर गाउँपालिका अध्यक्ष हाजी गफार अन्सारीले हरिनगर-४ स्थित इलाका प्रहरी कार्यालय हरिनगरालाई “क” श्रेणी बनाउन माग गर्नुभएको छ ।
हरिनगरका अध्यक्ष हाजी अन्सारीले गृहमन्त्री रमेश लेखकलाई प्रत्यक्ष भेटेर इलाका प्रहरी कार्यालय हरिनगरालाई “क” श्रेणी बनाउन माग गर्नुभएको हो ।
अध्यक्ष अन्सारीले सुनसरीको दक्षिणी भेगमा एक मात्र सुविधा सम्पन्न भौतिक संरचना राम्रो भएको हुँदा यस इलाका प्रहरी कार्यालयलाई यस पटक स्तरोन्नतिसहित “क” श्रेणी बनाउन माग गरिएको युवा नेता तथा नेपाली काङ्ग्रेस हरिनगर गाउँपालिकाका सह-सचीव रबिन्द्र कुमार मेहताले जानकारी दिनुभयो ।
सुनसरीको सिमावर्ती क्षेत्रमा पर्ने हरिनगर गाउँपालिकामा इलाका प्रहरी कार्यालयलाई छिटोभन्दा छिटो स्तरोन्नतिका लागि प्रक्रिया अगाडि बढाउनका लागि अध्यक्ष अन्सारीले अनुरोध गर्नुभयो ।
गृहमन्त्री रमेश लेखकले आफ्नो कार्यकालमा इलाका प्रहरी कार्यालय लाई “क” श्रेणी बनाउने गरि सम्पुर्ण प्रक्रिया अगाडि बढाउने प्रतिवद्वता जनाउनुभयो ।
कोशी प्रदेशका सदस्य हाजी ईस्राइल मन्सुरी, हरिनगर गाउँपालिकाका अध्यक्ष हाजि गफार अन्सारी, नेपाली काङ्ग्रेसकि नेतृ राधिका कटुवाल र युवा नेता रबिन्द्र मेहता लगायतकाले गृहमन्त्री लेखकलाई बधाई तथा सफल कार्यकालको शुभकामना दिनुभएको थियो ।
