सुनसरी । सुनसरीको सदरमुकाम इनरुवामा रहेको सुनसरी बहुमुखी क्याम्पसको शैक्षिक सुधार तथा व्यवस्थापकिय सुधारको माग गर्दै इनरुवा नगर शैक्षिक सुधार अभियानले ज्ञापन पत्र बुझाएको छ ।
बुधबार इनरुवा नगर शैक्षिक सुधार अभियानका संयाेजक दिलिपचन्द साहु नेतृत्वको टोलीले क्याम्पस प्रमुख रमेश कुमार मण्डललाई शैक्षिक सुधार गर्न ध्यानाकर्षण गराउदै ज्ञापन पत्र बुझाएको हो ।
प्रमुख मार्फत सुनसरी बहुमुखी क्याम्पस संचालक समिति अध्यक्षलाई तीन दिनभित्र तत्काल सम्बोधन गर्नुपर्ने विधार्थीका लागि खानेपानीको व्यवस्था, विषयगत दक्ष प्राध्यापकको म्याद थप, नियमित पठनपाठनको वातावरण मिलाउन आग्रह गर्दै ज्ञापन पत्र बुझाएको जनाएको छ ।
अभियानले सुनसरी बहुमुखी क्याम्पस, इनरुवा ४, सुनसरीमा क्याम्पसका संस्थापक श्यामप्रसाद गुप्ता सहित संस्थापक सहयोगीहरुको स्मारक बनाउनुपर्ने, प्राध्यापकहरुको म्याद थपमा विभेदकारी कदम फिर्ता लिई काम गर्दै आएको योग्य प्राध्यापकहरुको म्याद थप गरि पेशागत सुरक्षाको ग्यारेण्टी गर्नुपर्ने, अडिटमा पारदर्शिता हुनुपर्ने, क्याम्पसको आयव्यय र सम्पत्ति सार्वजनिक गर्नुपर्ने , क्याम्पसको विकासको लागि गुरु योजना निर्माण तथा सार्वजनिक गर्नुपर्ने सहितको माग राखेको छ ।
त्यसैगरी ज्ञापन पत्रमा विधार्थीबाट आलोचित , आरोपित र कक्षामा अनुशासनको पालन नगर्ने प्राध्यापकहरु माथी कार्वाही गर्नुपर्ने र विगत १० वर्षदेखि कार्यरत प्रध्यापकलाई कार्य मूल्यांकन नगरीकन अन्यायपूर्ण बर्खास्तको निणर्य सच्याउनुपर्ने र यस्तो निणर्य फिर्ता लिई योग्य प्रध्यापकहरुको म्याद थप गरि श्रमको सम्मान र पेशागत सुरक्षाको ग्यारेण्टी गर्नुपर्ने माग राखेको छ ।
यसैगरी विगत र हालका व्यवस्थापन समितिको कार्यकालमा भएको निणर्यहरु सार्वजनिक गर्नुपर्ने, विगतमै मानबिकी संकाय के कती कारणले हटाईएको छ ?, यसको कारण सार्वजनिक गर्नुपर्ने, क्याम्पस अगाडि तरकारी बजारले गर्दा विद्यार्थीहरुलाई एकदमै अप्ठ्यारो भएकोले बाटो खाली गराउनुपर्ने, प्ल्स टु को कक्षामा शैक्षिक योग्यता नपुगेका शिक्षकहरुले पढाईरहेकोले त्यसता शिक्षक हटाउनुपर्ने , सरकारी विद्यालयका शिक्षकहरुलाई प्राध्यापकको जिम्मेबारी दिएको र अर्को तर्फ नगरको मावि तहको शिक्षालाई बिग्रार्ने प्रयास समेत क्याम्पसले गरेकाले त्यसको सर्वपक्षिय समिक्षा गर्नुपर्ने सुझाव समेत दिएको छ ।
त्यसैगरी क्याम्पसलाई मागि खाने भाडोको रुपमा प्रयोग नगर्न र शैक्षिक संस्थाको रुपमा विकास गर्नुपर्ने, विधार्थीहरुका लागि स्वच्छ खानेपानी, उचित खेलकुदको व्यवस्था गर्नुपर्ने, अतिरिक्त कृयाकलाप , अध्ययन तथा अवलोकन भ्रमणको व्यवस्था मिलाउनुपर्ने , परियोजना कार्य सहित सिक्दै सिकाउदै व्यवस्थित शैक्षिक वतावरणको रुपमा विकास गर्नुपर्ने र विगतदेखी हालसम्म भएको शैक्षिक उपलब्धी तथा नतिजा विशलेषण गरी विषयगत रुपमा अवस्था विषेशण गरी राम्रो शिक्षकहरुलाई पुरस्कारको व्यवस्था गर्नुपर्ने माग राखेको छ ।
अभियानका संयोजक साहुले आफूहरुको माग तीन दिन भित्र सम्बोधन गर्ने बाचा, प्रतिवद्धा र कार्यान्वयनको ठोस अधार नदिएको खण्डमा थप संघर्षको कार्यक्रम गर्न बाध्य हुने चेतावनी समेत दिनुभएको छ । त्यसबाट हुन सक्ने असहज अवस्थाको सम्पूर्ण जिम्मेबार क्याम्पस प्रशासन र सञ्चालक समिति हुने चेतावनी दिएको छ ।
ज्ञापन पत्र बुझ्दै क्याम्पस प्रमुख मण्डलले संचालक समितिमा छलफल गर्ने प्रतिकृया दिनुभयो ।
उता स्थानीयहरुले इनरुवाको गहनाको रुपमा रहेको शैक्षिक संस्था मध्ये पुरानो र उच्च शिक्षा अध्यापन हुदै आएको सुनसरी बहुमुखी क्यापम्समा पछिल्लो समय नियमित पठनपाठन नभएको, शिक्षक विधार्थी बीचमा सम्बन्ध राम्रो नभएको, राम्रो प्राध्यापकलाई पाखा लगाउने र अयोग्यहरुको भिड बढाउने होडमा लागेको गुनासो बाहिर आएकाले इनरुवा नगर शैक्षिक सुधार अभियानको गम्भिर ध्यानाकर्षण भएको जनाएको छ ।
करिब पाँच दशकदेखी साविकको प्रविणता प्रमाण पत्र, स्नातक तह, स्नातोत्तर तहसम्मको पठनपाठन भइरहेको र हाल प्रविणता प्रमाण पत्र हटाएकोले कक्षा ११ र १२ सहितको कक्षा र शिक्षा शास्त्रमा स्नातोत्तर तहसम्मको पठनपाठन भइरहेकोमा सञ्चालक समितिको बेवास्ता र क्याम्पस प्रमुख तथा प्राध्यापकहरुको बीचको तालमेल नमिल्दाको अवस्थाले शैक्षिक गुणस्तर खस्कदै गएकाले हाल सबै तहमा विधार्थीको संख्या घट्दै गएको छ ।
क्याम्पसलाई केहीले कमाई खानेभाडोको रुपमा त कोहीले राजनीतिक थलोको रुपमा र कोहीले प्रतिसोध साध्ने मेलोको रुपमा लिएकाले गुणस्तर खस्कदै गएको पाईएको समाजसेवी तथा अभियन्ता रंजित मलाकारले जानकारी दिनुभयो ।
अर्का अधिकारकर्मी तथा पूर्व स्वतन्त्र विधार्थी युनियन सभापती धर्मविर आर्यले समग्र क्याम्पसको सुधारका लागि ज्ञापन र ध्यानाकर्षण पत्र बुझाएको त्यसमा सम्बोधन नभए तालाबन्दीसम्मको कार्यक्रम हुन सक्ने प्रतिक्रिया दिनुभयो ।
क्याम्पसमा होम सेन्टर हुदै आएकोमा सेन्टर बाहिर सार्नेदेखी भएको विधार्थीलाई नपढाई पार्टी कार्यकर्ता भर्ना गर्ने र योग्य प्राध्यापकहरुलाई म्याद थप नगरी अन्याय गर्ने लगायतको गतिविधिले समग्र इनरुवाबासीको आस्थाको केन्द्र सुनसरी बहुमुखी क्याम्पसमा मनोमानी गर्ने परिपाटी बढेकोले त्यसमा सुधारको माग सहित ध्यानाकर्षण गराएको स्थानीय बुद्धिजिवि ज्ञानदेव पण्डितले जानकारी दिनुभयो ।
