अजितकुमार झा
इनरुवा । सुनसरी इटहरी स्थित तरहरामा रहेको राष्ट्रिय भैसी अनुसन्धान कार्यालयले किसानलाई उन्नत जातको मुर्रा भैसीका पाडा पाडी बितरण गर्न थालेको छ ।
सङकटमा परेको भैंसीपालन प्रति स्थानीय कृषकको आकर्षण बढाउन राष्ट्रिय भैसी अनुसन्धान कार्यलय तरहराले मुर्रा भैसीको पाडा÷पाडि बितरण गर्न थालेको कार्यालयका प्रमुख पवनकुमार झाले जानकारी दिनुभयो ।
आधुनिकताको विकाससंगै बढ्दो शहरीकरण, फेरिएका गाउँबस्ती चरिचरणको अभाव तथा फेरिदो जीवनशैलीका कारणले पछिल्लो समय भैंसी पालन सङकटमा पर्दै आएको छ ।
भैंसी पालन गर्न तथा उन्नत जातका बिउँ उत्पादनका लागि समेत स्थानीय किसनको मागको अधारमा भएको बजेट अनुसार बिभिन्न जातको गरेर बर्षिक २०/३० वटा सम्म वितरण गर्दै आएको कार्यालयले जनाएको छ ।
पछिल्लो समय अधिकांश परिवारले राँगा, भैंसी पाल्न छाडेपछि राष्ट्रिय भैसी अनुसन्धान कार्यक्रम अन्तर्गत सुनसरीको तरहरामा रहेको कार्यलयले मुर्रा र रैथाने भैसीका पाडा पाडी उत्पादन गरी कृषकलाई न्युनतम शुल्कमा बितरण गर्न थालेको उहाँले जानकारी दिनुभयो ।
उन्नत नश्लको बीउ राँगाको व्यवस्था गरी कार्यलयले कृषकका लागि पाडा पाडी बितरण गर्नुका साथै दुध उत्पादन बृद्धिका लागि बिभिन्न कार्यक्रम गर्ने गरेपनि जनशक्ति र बजेट अभावले प्रभावकारी हुन सकेको छैन् ।
भैसीका पाडा पाडीको माग बढेपनि पर्याप्त जनशक्ति र बजेट अभावले माग अनुसार कृषकलाई बितरण गर्न नसकेको कार्यलय प्रमुख पवनकुमार झाको भनाई रहेको छ ।
प्रत्येक बर्ष ७०/८० वटा कृषक समुहबाट उन्नत जातका पाडा पाडीको माग आएको भएपनि २० देखि ३० जनालाई मात्र बितरण गरेको कार्यालय प्रमुख झाले बताउनुभयो ।
भैंसी तथा राँगामा केन्द्रित भएर अनुसन्धान गर्दै आएको कार्यलयले स्थानीय तहको सिफारिसको आधारमा ५० प्रतिशत अनुदानमा पाडा पाडी बितरण गर्दै आएको छ ।
