इनरुवा । कोसी प्रदेश सरकारबाट नियुक्ति भई जिल्ला अस्पताल इनरुवामा कार्यरत बाल रोग बिषेशज्ञ डा.फरेन्द्र साह अस्पतालमा नबस्ने गरेको अरोप लागेको छ ।
प्रदेश सरकारले जिल्ला अस्पताल इनरुवामा बाल रोग बिषेशज्ञका रुपमा सेवा गर्नका लागि साहलाई पठाएको भएपनि अस्पताल समय सम्म नबस्ने गरेको स्थानीयवासी तथा सेवाग्राहीले अरोप लगाएका छन् ।
इनरुवा अस्पतालमा आफ्नो बच्चालाई डाक्टर डा.फरेन्द्र साहसंग कसैले चेक जाच नगराउनका लागि समाजिक सञ्जालबाट इनरुवा –६ मधेशाका उत्तम कार्कीले आह्वान समेत गर्नुभएको छ ।
डाक्टर साहसंग मेरो व्यक्तिगत केही रिसिबि नभएको उल्लेख गर्नुहुदै जिल्ला अस्पताल उहाँको घर नभएकाले अस्पतललाई बदनाम गराउने कुचेष्टा नगर्नका लागि कार्कीले आग्रह गर्नुभयो ।
अस्पतालका लागि देशबाट नियुक्ति पाएका बालरोग बिषेशज्ञ डाक्टर साह बिहान १० बजे देखि दिउँसो ३ बजे सम्म अस्पतालमा सेवा दिनुपर्नेमा दिउँसो १ बजे देखि २ बजे भित्र जाने गरेको अस्पताल प्रशासनका एक कर्मचारीले नाम नलेख्ने सर्तमा बताउनुभयो ।
उहाँले भन्नुभयो डाक्टर साहले अस्पतालमा सेवा दिए बापत पाउनुपर्ने तलब, सेवा र सुविधा सहित मासिक करिब एक लाख भन्दा बढी लिएको भएपनि समय सम्म नबस्ने गरेको गुनासो हामी सम्म आइपुगेको स्वीकार गर्नुभयो ।
डाक्टर साहले जिल्ला अस्पताल इनरुवाबाट मासिक ५२ हजार तलब, विशेषज्ञ भत्ता ३९ हजार र अन्य ३० हजार गरेर मासिक १ लाख २१ हजार रकम पाउने गरेको अस्पताल प्रशासनको भनाई रहेको छ ।
जिल्ला अस्पतालबाट मासिक रुपमा सेवा सुविधा बुझदै आउनुभएका साहले बिहान १० बजे देखि साँझ ५ बजे सम्म भोक्राहा नरसिंह गाउँपालिका ४ मा रहेको सप्तकोसी न्युरो अस्पतालमा दिने गरेको सप्तकोसी न्युरो अस्पतालमा प्रशासन शाखामा कार्यरत एक कर्मचारीले जानकारी दिनुभयो ।
डाक्टर साहले नियम अनुसार बिहान १० बजे देखि दिउँसो ३ बजे सम्म काम गर्नुपर्नेमा ओेपिडिको हकमा काम गर्ने समय बिहान १० देखि दिउँसो ५ भएपनि अन्य चिकित्सकको हकमा ३ बजे सम्म काम गरे हुन्छ्र अस्पताल प्रशासनको भनाई रहेको छ ।
डाक्टर साहले सुरुमा बिहान १० बजे देखि १ बजे सम्म काम गर्छु भन्नुभए थियो त्यो समयमा पनि उहाँको बिषयमा धेरै गुनासो रहेको र अहिले पनि उतिकै रहेको अस्पताल प्रशासनले जनाएको छ ।
राम्रो कामको तारिफ कहिले नहुने भएको उल्लेख गर्नुहुदै कहिले काही हुने स–साना त्रुटी र कमिकमजोरी सबैको बहसको विषय बनेको सञ्चारकर्मी समक्ष डाक्टर साहले प्रतिक्रिया दिनुभयो ।
स्वास्थ्य क्षेत्रमा आफुले गरेको योगदानको बिषयमा कसैले नदेख्ने गरेको उल्लेख गर्नुहुदै अहिले आफनो बिषयमा उठेको बिषय बदनाम गराउने बाहेक केही नभएको डाक्टर साहले बताउनुभयो ।
जिल्ला अस्पताल व्यवस्थापन समितिका अध्यक्ष तथा जिल्ला समन्वय समिति सुनसरीका प्रमुख राजन मेहताले डाक्टर साहको गुनासोको बिषयमा समाजिक सञ्जाल सजिएको र आफूले पनि बुझेको स्वीकार गर्नुभयो ।
डाक्टर साहको बिषयमा अस्पताल व्यवस्थापन समितिले छिट्ै निर्णय केही न केही लिने अस्पताल व्यवस्थापन समितिका अध्यक्ष तथा जिल्ला समन्वय समिति सुनसरीका प्रमुख मेहताले बताउनुभयो ।
