इनरुवा । सुनसरीको बराहक्षेत्र नगरपालिका–९ स्थित राजाबास घाटमा नुहाउन गएको एक बालक डुबेर वेपत्ता भएकाे छ।
जिल्लाको भोक्राहा नरसिंह गाउँपालिका–१ का १३ वर्षीय दिपेश मेहता उर्फ (कालू) सोमबार मध्यानदेखि वेपता भएको हो ।
कोशीमा साथीहरुसङ्ग नुहाउन गएको र घर नफर्किएको अवस्थामा उनको खोजी गर्दा कोशीमा डुबेर वेपत्ता भएको बुबा रामबिलास मेहताले बताएका छन् ।
दिपेश नुहाउने क्रममा कोशीको पुर्वी तटबन्ध किनारमा पानीमा डुबेर बेपत्ता भएका हुन।
घटना भएलगत्तै स्थानीयवासी र सुरक्षाकर्मीहरूले खोजी कार्य सुरु गरेपनि हालसम्म फेला पार्न नसकिएको सुनसरी प्रहरीले जनाएको छ ।
राजाबास घाटमा नुहाउने क्रममा वेपता भएका बालकको खोजी कार्यका लागि सशस्त्र प्रहरी बलको डिएम टोलि परिचालन गरिएको छ ।
