सुनसरी । नेपाली काँग्रेसका युवा नेता डा. अबुल हुसेन अन्सारीले हरिनगर-४ मरिया खाेला पारी डुबानमा परेका ३० घरपरिवारलाई राहत दिएका छन् ।
डा. अन्सारीले काठमाडौंबाट आउन सक्ने वातावरण नरहेकोले छिटो राहत दिनुपर्ने उद्देशले हरिनगरका स्थानीय पत्रकार नसीम अन्सारीमार्फत ३० घरपरिवारलाई राहत वितरण गरेका हुन् ।
हरिनगर गाउँपालिका वडा नम्बर-४ खाेला पारीका बाढीपीडितहरुलाई खान र बस्ने अवस्था नभएकाे कारण उहाँहरुलाई तुरुन्तै खानका लागि ३ केजीको १ बोरा भुजा, १ केजीकाे चुरा प्याकेट र १ केजीकाे भुजिया प्याकेट बाढीपीडितहरुलाई राहत वितरण गरिएको अन्सारीको सचिवालयले जानकारी दिएको छ ।
युवा नेता अन्सारीले देशमा समस्या आइपरेको खण्डमा जिम्मेवारीपुर्वक आफ्नो भुमिका निर्वाह गर्ने गरेको छ ।
युवा नेता अन्सारीले काठमाडौंसहित विभिन्न जिल्लाहरुमा समन्वय गरि बाढीपीडितहरुलाई सकेसम्म सहयोग गर्दै आइरहेका छन् । देशमा औषधि हाहाकार भएको बेला पनि बिरामीहरुलाई समयमै औषधि उपलब्ध गराएर बिगतका दिनहरुमा नाम चर्चा थिए ।
