सुनसरी । फाल्गुन २१ गते हुने प्रतिनिधिसभाको निर्वाचनका लागि सुनसरी क्षेत्र नम्बर-४ मा नेपाली काङ्ग्रेसको तर्फबाट उम्मेदवार बन्नुभएको पुर्व मन्त्री ज्ञानेन्द्रबहादुर कार्कीले कुनै उम्मेदवारको आफुले विरोध नगर्ने बताउनुभएको छ ।
नेपाली काङ्ग्रेसको एक कार्यक्रमलाई सम्बोधन गर्नुहुँदै पुर्व मन्त्री कार्कीले कुनै पनि उम्मेदवारको विरोध नगर्ने र मतदाताहरुलाई नेपाली काङ्ग्रेसको चुनाव चिन्ह रुख छापमा मतदान गर्न आग्रह गर्नुभयो ।
मुलुक अहिले विषम परिस्थितिमा गुज्रिरहेको बेला नेपाली काङ्ग्रेसले बहुमत ल्याउन आवश्यक रहेकोले यस क्षेत्रबाट एक पटक पुनः निर्वाचित गराउन मतदाताहरुलाई उहाँले आग्रह गर्नुभएको हो ।
आफुसङ्गै उम्मेदवार रहेका अन्य पार्टीका उम्मेदवार बारे आफुले केही विरोध गर्ने औचित्य नरहेको हुँदा यस क्षेत्रमा दुई पटक निर्वाचित हुँदा विकासको मुहार फेरिएको उहाँले दावी समेत गर्नुभयो ।
चुनावी प्रतिस्पर्धामा आफू पनि होमिएको हुँदा यस पटक पनि निर्वाचित भए बाकी रहेका सबै काम पूरा गर्ने कार्कीले प्रतिवद्द्ता व्यक्त गर्नुभयो ।
जनताको विश्वास र मायाले आफुले पुनः यस क्षेत्रमा आएको हुनाले यस पटक आशीर्वादसहित रुख छापमा मतदान गरि विजयी बनाउन सबैलाई आग्रह गर्नुभएको छ ।
उहाँले चुनावी अभियानलाई निरन्तरता दिनुहुँदै क्षेत्रको सबै तहमा पुगेर मतदाताहरुसङ्ग मत माग्दै घरदैलो कार्यक्रममा अहिले व्यस्त हुनुहुन्छ ।
