सुनसरी । सुनसरी निर्वाचन क्षेत्र नम्बर-२ मा प्रतिनिधिसभा सदस्य पदका लागि स्वतन्त्र उम्मेदवार बन्नुभएका पुर्व नेपाल पत्रकार महासघका केन्द्रिय सदस्य इकबाल अहमदले कैँचीमा मतदान गर्न क्षेत्रबासीहरुलाई आग्रह गर्नुभएको छ ।
आफ्नो चुनावी अभियानलाई तिब्रता दिनुहुँदै स्वतन्त्र उम्मेदवार अहमदले आफ्नो एजेन्डा सहित मतदाताको घरदैलोमा पुगि कैँची छापमा मतदान मतदाताहरुलाई आग्रह गर्नुभएको हो ।
आफुले जनताको पक्षमा कलमबाट सधैं आवाज उठाउदै आएको हुनाले अब संसदबाट जनताको समस्यालाई बुलन्द गर्ने मत माग्ने क्रममा मतादाताहरुलाई विश्वस्त पार्नुभएको छ ।
३० वर्षको पत्राकारिता यात्रालाई थाती राख्दै अहमदले पहिले पटक प्रतिनिधिसभा सदस्य पदका लागि स्वतन्त्र उम्मेदवार बनेर जनताको घर घरमा पुगेर आफ्नो चुनावी छापमा मतदान गरि आफुलाई विजयी बनाउन सबैलाई आग्रह गर्नुभएको छ ।
सबैको आवाज गुन्जिने गरि संसदमा आफू प्रतिनिधित्व गर्नका लागि उम्मेदवार बनेर आएकोले विश्वास गरेर मतदानसहित निर्वाचनमा सहयोग गर्न अपिल गर्नुभयो ।
युवाको नेतृत्वसहित किसानहरुको मुद्दाहरुलाई स्थापित गराउन आफ्नो ठुलो भुमिका रहने उहाँले प्रष्ट पार्नुभयो ।
