नेपाल विद्यार्थी संघबाट राजनीति यात्रा सुरु गरेको राजिव कोइराला विभिन्न संघर्ष पछी नेपाली राजनीतिमा प्रवेश गरेका थिए । उनी नेपाली काङ्ग्रेसमा लगनशील, सहनशिल, मेहनती र जुझारु युवाका रुपमा सुनसरी काङ्ग्रेसको सभापती भै हाल सम्म सिङ्गो काङ्ग्रेसलाई हाक्ने क्षमतावान, साहसी र निडर युवा नेता हुन् । अगामी फागुन २१ गते हुने प्रतिनिधिसभाको निर्वाचनमा सुनसरी निर्वाचन क्षेत्र नम्बर २ बाट प्रतिनिधिसभा सदस्य पदका उम्मेदवार बन्नुभएको छ । नेपाली काङ्ग्रेसको तर्फबाट सुनसरी क्षेत्र नम्बर-२ बाट उम्मेदवार बन्नुभएको राजिव कोइरालासङ्ग सुनसरी अनलाइनका कार्यकारी सम्पादक टाेमराज मेहताले टेलिफोनमा गरेको कुराकानी सार संक्षिप्त्त अंश :
१.तपाईं घर दैलो कार्यक्रम सुरु गर्नु भएको छ जनतामा कतिको उत्साह आएको पाउनु भएको छ नि ?
अगामी महिना हुने निर्वाचनलाई लक्षित गरि चुनाव प्रचार प्रसारको लागि हामी घर दैलो कार्यक्रम गर्दै हिडेका छौ । घर दैलोमा मतदाताहरुसङ्ग भेटघाट गरि रुख छापमा मत गरिदिन आग्रह गर्दै हिडेकाे छु । जनतामा निकै राम्रो उत्साह आएको छ ।
२.तपाईंको निर्वाचन क्षेत्रमा रास्वपासङ्ग कडा प्रतिस्पर्धा हुने चर्चा चलिरहेको छ नि ?
नेपाली काङ्ग्रेसबाट म उम्मेदवार भएको हुनाले मेरो निर्वाचन क्षेत्र नम्बर २ मा कसैसँग प्रतिस्पर्धा छैन । पार्टीले दिएको जिम्मेवारी म इमानदारिताका साथ निर्वाह गर्छु । बाहिर हल्ला मात्र चलेको छ । जनताको मतले मेरो जित सुनिश्चित हुने विश्वास लिएको छु ।
३.तपाईं नेपाली काङ्ग्रेस सुनसरीको सभापति भैइ संगठनलाई बलियो बनाई सबैलाई एकजुट बनाउनु भएको थियो र प्रदेशसभा सदस्य भैइ क्षेत्रमा विकास गरेको कुरालाई निर्वाचनमा कसरी प्रचार गर्नुभएको छ ? नेकपा एमाले र रास्वपाको उम्मेदवार निर्वाचन क्षेत्रमा चुनावमा होमिदा केही असर पर्दैन त ?
प्रदेशसभा सदस्य पदमा रहेर आफ्नो क्षेत्रमा विकासका योजना र बजेटहरु ल्याएर काम आएको गरेको छु । जनताको पक्षमा सधैं उभिएको छु । अब विकाससङ्गै जनताको आवाजलाइ बुलन्द गर्ने गरि संसदमा विकास योजना, समस्या, बजेट र युवाहरुले चाहेका मागलाई सम्बोधन गर्नका लागि प्रतिनिधिसभा सदस्य पदको उम्मेदवार बनेर मतदाताको घरदैलो जाने गरेको छु । आशा छ मतदाता बदलिँदो परिस्थितिलाई ध्यानमा राखेर रुख छापमा मतदान गरि विजयी बनाउनु हुनेछ भन्ने कुरामा ढुक्क छु ।
४. तपाई आफ्नो निर्वाचन क्षेत्रमा जित्ने आधार के के छ ?
नेपाली काङ्ग्रेसको इतिहास छ । समय समयमा परिवर्तन गरेको छ । जनताको समस्यामा सहयोग गरेको छ । काङ्ग्रेसको संगठन बलियो छ । काङ्ग्रेसले जनताको मुद्दालाई सशक्त रूपमा आवाज उठाएको छ । विकासको लहर ल्याएको छ । काङ्ग्रेस सङ्ग मुद्दा छ र जनता लोकतन्त्र रक्षाका लागि काङ्ग्रेस सदैव लडेको छ । तिनै तहका सरकारले जनताको अपेक्षा अनुसार काम गरेको छ । जनताको मागलाई सम्वोधन गरेको छ । कमि कमजोरीलाई सुधार गर्दै अगाडी बढेने छु । त्यसैले
त्यसैले थुप्रै जित्ने आधारहरु छ। हामी जित्छौ पनि ।
५ . तपाईंलाई प्रतिनिधि सभा सदस्यको उम्मेदवार बनाएपछि अहिले काङ्ग्रेसको पक्षमा माहोल बन्दै गएको छ । मतदाताहरुको समस्यालाई कसरी लिनुभएको छ ।
पार्टीको निर्णयलाई आत्मसाथ गरि प्रतिनिधिसभा सदस्य पदको उम्मेदवार बनेको छु । संगठनमा ठुलो कुरा भनेको अनुशासन हो । संगठनको निर्णयलाई स्वागत गर्दै उम्मेदवार भै जनतामाझ प्रस्तुत भएको हु । संगठन भित्र सहनशिल, त्याग , तपस्या र बलिदान ठुलो कुरा हो । पार्टीले दिएको जिम्मेवारी मेरो काधमा छ । म खुशि नै छु । मतदाताको समस्यालाई समाधान गर्ने मेरो प्रमुख जिम्मेवारी हो, गर्नेछु ।
६. तपाई दुई पटक सुनसरी सभापतिको नेतृत्वले निकै चर्चा पाउनुभएको थियोे नि ? तर अहिले संगठन कमजोर भएको जस्तो लाग्दैन ?
गाउँ देखि जिल्ला सम्मका नेता तथा कार्यकर्ताहरु आवाजलाई कदर गर्दै काङ्ग्रेस सुनसरीको सभापति जस्तो गरिमामय पदको जिम्मेवारी इमानदारीका साथ निर्वाह गरेको थिए । पार्टी भित्र कसैलाई काखा पाखा नगरि समान रुपले हेर्ने व्यवहारको उपज हो । नेतृत्व गर्दा विभिन्न आरोह अबरोह आउने गर्छन् । समस्याहरु सङ्ग लडदै सुनसरी काङ्ग्रेसलाई बलियो बनाई अहिले पार्टीको शिर उच्च बनाएको छु र बनाउने प्रयासमा छु । एक्लै केही कुरा गर्न सकिँदन टिम वर्कले भएको हो। साथीहरूको सहयोगबाट यहाँ सम्म आइपुगेको छु । सहयोग गर्ने सबैलाई धन्यवाद दिन चाहन्छु । बदलिँदो परिस्थितिलाई आत्मसाथ गरेको छु । काङ्ग्रेस पार्टीलाई आझै सुदृढ गर्दै नयाँ ढंगबाट अगाडि लैजाने मेरो प्रयास रहन्छ ।
७. जनताले काङ्ग्रेसलाई कतिको बिश्वास गरेका छन त ?
जनताको बिश्वासले गर्दा काङ्ग्रेसले सुनसरीको स्थानीय तहको निर्वाचनमा नगरपालिका देखि गाउँपालिकामा काङ्ग्रेसका योग्य ,दक्ष र इमानदार युवाहरूलाई आफ्नो मत दिई जिताएका छन । जनतासङ्गको सम्वन्ध नङ्ग र मासुको छ । काङ्ग्रेसले जनतालाई झुकयाउदैन र जनताको बिश्वासिलो पार्टी भनेको नै काङ्ग्रेस हो। काङ्ग्रेस रोज्नुको विक्लप नभएको कुरा जनता मज्जाले बुझेका छ्न त्यसले जनताको नजरमा लोकप्रिय पार्टी नै काङ्ग्रेस भएको हो ।
८. सुनसरीमा नेपाली काङ्ग्रेसले निर्वाचन पछी लाल किल्ला गाडन सफल हुन्छ त ?
नेपाली काङ्ग्रेसको पक्षमा अहिले माहोल राम्रो छ । जसरि स्थानीय तह र प्रदेशसभाको निर्वाचनमा जनताले उत्साहपुर्ण तरिकाबाट काङ्ग्रेसमा मतदान गरे त्यसरी नै यो निर्वाचनमा मतदान गर्यो भने हामी लाल किल्ला गाडन सफल हुन्छौं । यसपालि सुनसरीमा काङ्ग्रेसको बहुमत आउँछ । सबै निर्वाचन क्षेत्रमा काङ्ग्रेसकै पक्षमा मतदाताहरु सक्रिय भएर लागेका छन । त्यसले हामी निर्वाचन परिणामको पर्खाइमा छौ ।
९ तपाईंको जित सुनिश्चित हुनेमा कतिको विश्वस्त हुनुहुन्छ ?
जनताको नजरमा जो विकासप्रेमी, जनतामुखी , जनताप्रतिको सहानुभूति , परिवर्तन , आउने सन्तानको भविष्य उज्ज्वल , सिद्धान्त र विचार , मुलुकमा स्थायी शान्ति कायम तथा जनतालाई समृद्धि दिने तर्फ जसले भुमिका खेल्छन् उसको नै जित हुनेछन् । आफ्नो जित सुनिश्चित छ । फागुन २१ गतेपछी थाहा पाउनुहुन्छ ।
१०. अन्तिममा तपाई आफ्ना मतदातालाई के सन्देश दिन चाहन्छु ?
हाम्रा भन्दा पनि राम्रा लाई मतदान गर्न आग्रह गर्द्छु । मलाई बिश्वास गर्ने माया गर्ने र प्रोत्साहन गर्ने तथा मेरा सम्पुर्ण शुभचिन्तकहरुलाई रुख चिन्हमा मतदान गरि बिजयी बनाउन अनुरोध गर्द्छु । तपाईको एक मत मेरो लागि धेरै महत्त्वपूर्ण हो त्यसले बदर गर्नु भन्दा पनि राम्रोसँग रुख चिन्हमा मतदान गरि म जस्तो काम गर्ने युवालाई सेवा गर्न मौका प्रदान गर्न अपील गर्दैछु । सबैको साथ र सहयोगको आवश्यकता परेकोले आ- आफ्नो ठाउमा सकारात्मक भुमिका खेलिदिन पनि यसैबाट अनुरोध गर्दछु ।
