सुकदेब चौधरी
इनरुवा । असार २७ गते सुनसरी बराहक्षेत्र नगरपालिका वडा नम्बर–५ का दुई व्यक्तिलाई अपहरण गरी बन्धक बनाउने कार्यमा संलग्न रहको एक व्यक्तिलाई बुधबार सुनसरी प्रहरीले सार्वजनिक गरेको छ ।
अपहरणको गराउने घटनामा संलगन गरेको भनी पक्राउ गरी सार्वजनिक गराउनेमा बराहक्षेत्र न.पा.५ का २९ वर्षीय सन्तेष बस्नेत रहेको इलाका प्रहरी कार्यालय महेन्द्रनगरका प्रहरी निरिक्षक राजेश दत्तले जानकारी दिनुभयो ।
प्रहरी निरिक्षक दत्तको विशेष टोलीले बस्नेतलाई धरानवाट उदयपुर तर्फ भाग्दै गर्दा वराहक्षेत्र नपा १ स्थित झण्डाचोकवाट गत असार २५ गते पक्राउ गरी सुनसरी जिल्ला अदालतवाट ०७ दिनको म्याद थप गरी थप अनुसन्धान भई रहेको जिल्ला प्रहरी कार्यालय सुनसरीले जनाएको छ ।
भारतीय सीमा क्षेत्रमा रहेको बेला बजारमा गत बैशाख २५ गते बराहक्षेत्र न.पा. ५ का सौगात भण्डारी, सोही ठाउँका छबिलाल आचार्य, हरि आचार्य र सुनिल गिरी सहित ४ जनाले सामान खरिद गर्न गएको थियो । सोही क्रमका इम्तियाज भन्ने व्यक्ति सहित ७ जनाको टोलीले पेस्तोल देखाई छबिलाल र सौगात चढेको मोटरसाइकल नियन्त्रणमा लिई उनीहरुलाई बन्धक बनाएका थिए ।
अपहरणकारीले सौगात भण्डारीको परिवारसंग गत बैशाख २६ गते फिरौती वापत रु. ५० लाख माग गरी रहेको तथा नबुझाएका ज्यान मार्ने समेत धम्की दिदै आएका थिए ।
पीडित सौगातको परिवारले अपहरणकारीलाई फिरौती वापत १ लाख ५० हजार बुझाए पनि अपहरण मुक्त गरेको थिएन भने बन्धक बनी रहेको पीडितहरु गत बैशाख २७ गते अपहरणकारीको पञ्जाबाट भागी मुक्त भएका थिए ।
