सुकदेब चौधरी
विराटनगर । विराटनगरमा कोशी प्रदेशका विभिन्न अदालतहरुका कृयाशील कानून व्यवसायीहरूको क्षमता दक्षता अभिवृद्धि गर्न तीन दिवसिय आधारभूत तालिम शुक्रबार देखि सुरू भएको छ ।
नेपाल कानून व्यवसायी परिषद सम्पर्क कार्यालय कोशी प्रदेश विराटनगरको आयोजनामा परिषदबाट व्यवसायीक प्रमाण पत्र लिएर आफ्नो कार्य क्षेत्रमा कार्यरत रही १० वर्ष पूरा नभएका कानून व्यवसायीहरूको कार्य दक्षतामा अभिवृद्धि गर्न तालिमको आयोजना गरिएको हो ।
उक्त तालिमको उच्च अदालत विराटनगरका कायममुकायम मुख्य न्यायाधिश सत्यमोहन जोशी थारुले पानसमा दीप प्रज्वलन गरी उद्घाटन गर्नु भएको थियो । वहाँले हरेक क्षेत्रबाट आएका मुद्दाहरुको मस्यौदा, परामर्श तथा पैरवी गर्नका लागि समक्ष हुन जरुरी हुनुका साथै समय अनुकुल कानूनी ज्ञान सिप आर्जन गर्नका लागि अध्ययनशील हुन जरुरी रहेको बताउनु भयो ।
त्यसैगरी नेपाल कानू व्यवसायी परिषदले परिक्षा लिएर व्यवसायीक प्रमाण पत्र दिनुका साथै व्यवसायीक आचरणको विषयमा कारवाही गर्ने गरेता पनि पछिल्लो समयमा कानूनी पेशामा लागेकाको दक्षता अभिवृद्धि, वृद्धि विकास तथा मर्यादित बनाउन तालिमले सहयोग पु¥याउने परिषदका पूर्व पार्षद वरिष्ठ अधिवक्ता रमेश कोइरालाले जानकारी दिनुभयो ।
सोही कार्यक्रममा कोशी प्रदेशका सांसद लिलाबल्लव अधिकारी, नेपाल बार एशोसिएशनका उपाध्यक्ष सुरज खत्री, पूर्व पार्षद देवि बहादुर घिमिरे लगायतका वक्ताहरुले समय अनुसारको व्यवसायीक दक्षता निखार्न तालिमले सहयोग गर्नुका साथै कार्यक्रम सफताको शुभकामना दिनु भएको थियो ।
सो तीन दिन सम्म संचालन हुने तालिममा बालन्याय सम्बन्धि कानूनी व्यवस्था, दिशान्तर, सजाय स्थगन तथा न्यायीक अभ्यास विषयमा सुनसरी जिल्ला अदालतका मुख्य न्यायाधिश अर्जुन अधिकारी, फौजदारी न्याय प्रणाली, सिद्धान्त र व्यवहार सम्बन्धि विषयमा मोरङ जिल्ला अदालतका न्यायाधिश राजेश कुमार कटुवालले प्रशिक्षण दिनु भएको थियो ।
तालिम अवधि भरी कानून व्यवसायीको आधारसंहिता मोरङ उच्च बारका उपाध्यक्ष कला त्रिताल, मानव अधिकार सिद्धान्त र व्यवहार, करार कानूनको विकास र अभ्यास, नजिर सम्बन्धि अवधारण प्रयोग लगायतका विषयहरुमा वरिष्ठ अधिवक्ता चुडामणी आचार्य, सुरेशलाल श्रेष्ठ, डिल्ली बहादुर कार्की, रमेश कोइराला, सुमनचन्द्र कार्की, डा. मेदनी सेडाई, कला त्रिताल जिल्ला न्यायाधिश दुर्गा प्रसाद ढुंङ्गेलले प्रशिक्षण दिनु हुने जनाइएको छ ।
कोशी प्रदेशबाट तालिममा ३५ जनाको सहभागीता रहेको परिषद सदस्य प्रेम प्रसाद पोखरेलले जानकारी दिनु भयो ।
