सुनसरी । नेपाली कांग्रेसका केन्द्रिय सदस्य तथा प्रतिनिधिसभा सदस्य ज्ञानेन्द्र बहादुर कार्कीले मधेशको विकास नभएसम्म देशको विकास सम्भव नहुने बताउनुभएको छ ।
हरिनगरा बहुमुखी कलेज हरिनगरको उद्घाटन कार्यक्रमलाई सम्वधेन गर्नुहुँदै प्रतिनिधिसभा सदस्य कार्कीले मुलुकमा सन्तुलित विकासको आवश्यकता रहेको बताउनुभयो ।
मुलुकमा बिभिन्न जातजाति, धर्म, संस्कृतिको विकास नभएसम्म आन्तरिक एकता कायम हुन नसक्ने बताउनुहँदैँ उहाँले एक आपसमा एकता र सदभावको खाँचो रहेको बताउनुभयो ।
विधार्थीहरुलाई आइटी र बिज्ञानसँग जोड्ने सकेमात्र उनीहरुले आर्थिकको क्षेत्रमा फड्को मार्न सक्ने उहाँले धारणा राख्नुभयो ।
हरिनगरा बहुमुखी कलेज हरिनगरको विकासका लागि आपूm सदैव तयार रहेको र यस क्याम्पसले गरेको अपेक्षा पूरा गर्न आपूm प्रतिवद्ध रहेको समेत जानकारी दिनुभयो ।
हरिनगरा बहुमुखी क्याम्पस स्थित खेलकुद मैदानको स्तर उन्नतिको लागि संघीय सरकारबाट बजेट बिनियोजन भइसकेकोले कामलाई पारदर्शी ढंगबाट अगाडी बढाउनुपर्ने पनि धारणा राख्नुभयो ।
कार्कीले हरिनगरा बहुमुखी कलेजको आजीवन सदस्यका बन्नका लागि ५१ हजार १ सय ५१ रुपैयाँ दिने घोषणा समेत गर्नुभयो ।
त्यसैगरी कोशी प्रदेशसभा सदस्य हाजी इस्राइल मंसुरीले अबको युगमा प्राबिधिक शिक्षा नै आजको मुख्य आवश्यकता रहेकोले पालिकाभित्र प्राबिधिक शिक्षालाई बिशेष प्राथमिकता दिनुपर्नेमा जोड दिनुभयो ।
सुनसरीको दक्षिणी सीमावर्ती क्षेत्र हरिनगरामा कलेज स्थापना भएपछि गरिब, अति विपन्न र आर्थिक स्थिति कमजोर भएका विधार्थीहरुलाई बिराटनगर, इनरुवा, इटहरी, धरान र काठमाडौं पढ्न जानुपर्ने बाध्यताको अन्त्य भएको उहाँले बताउनुभयो ।
कार्यक्रममा कोशी प्रदेशसभा सदस्य सदानन्द मण्डल, शिवदयाल मेहता, हरिनगर गाउँपालिकाका अध्यक्ष हाजी गफार अन्सारी, उपाध्यक्ष रिमझिम कुमारी भगत, नेपाली काँग्रेस हरिनगरका सभापति नुनु अन्सारी, जनता समाजवादी पार्टी हरिनगरका अध्यक्ष धर्मवीर आर्य, नेकपा एमालेका अध्यक्ष कृष्णदेव मेहता लगायतको सहभागिता रहेको थियो ।
