इनरुवा । सुनसरीको भोक्राहा नरसिंह–४ मा पहिलो वडाध्यक्ष कप फुटबल प्रतियोगिताको तयारी पूरा भएको छ ।
अव्वाम युवा उत्थान केन्द्र भोक्राहा नरसिंह–४ को आयोजना र भोक्राहा नरसिंह–४ नम्बर वडाको सहयोगमा कार्तिक २३ गतेदेखि ३० गतेसम्म पहिलो वडाध्यक्ष कप फुटबल प्रतियोगिता २०८० को तयारी पूरा भएको आज आयोजित पत्रकार सम्मेलनमा जानकारी दिएको छ ।
भोक्राहा नरसिंह–४ स्थित ईदगाह तथा कब्रिस्तानको अगाडीको खेल मैदानमा हुने पहिलो वडाध्यक्ष कप फुटबल प्रतियोगितामा पहिलो दिन भोक्राहा नरसिंह–७ र ६, दोश्रो दिन भोक्राहा नरसिंह–२ र ५, तेस्रो दिन भोक्राहा नरसिंह–४ र ३, चोथौ दिन भोक्राहा नरसिंह–१ र ८ नम्बर वडाका युवा खेलाडीहरुको सहभागिता रहने आयोजक संस्थाका अध्यक्ष मोजम्मिल अन्सारीले बताएका छन् ।
प्रतियोगिताको फाइनल खेल कार्तिक ३० गते बिहीवारका दिन प्रथम हुने टिमलाई ३० हजार नगद, शिल्ड, प्रमाणपत्र र दोश्रो हुनेलाई २० हजार नगद , शिल्ड र प्रमाणपत्र वितरण गरिने आयोजकले जनाएको छ ।
