इनरुवा। इनरुवा नगरपालिकाका प्रमुख राजन मेहताले संघीय राजधानी काठमाडौंबाट दुई अरब रकम लिएर फर्किदै छन् ।
मेयर मेहता सहितको टोलीले इनरुवा विकासको लागि ३० वटा योजनासँगै दुई अरब बराबर रकमको बजेट लिएर काठमाडौंबाट इनरुवा फर्किने समाचार श्रोतले जनाएको छ ।
स्मार्ट सिटी योजना अन्र्तगत इनरुवा नगरपालिकाका लागि ३० वटा योजना मागसहित काठमाडौंमा विभिन्न आयोग तथा मन्त्रालयमा पेश गरेका छन् ।
इनरुवा स्मार्ट सिटी कार्यक्रम अन्र्तगत विभिन्न मन्त्रालयमा आफ्नो माग पेश गरेको नगरप्रमुख मेहताले सुनसरी अनलाइनलाई बताए ।
नगरप्रमुख मेहताले इनरुवाको विकासका लागि डिपिआरसहितको प्रस्तावनाहरु सम्बन्धित निकाय तथा मन्त्रालयमा पेश गरेको बताए ।
मेहताले राष्ट्रिय योजना अयोगमा सचिव, शिक्षा मन्त्रालयमा शिक्षा मन्त्री, शहरी विकास मन्त्रालयका सचिव सहितलाई भेटेर प्रास्तावना पेश गरेको बताए ।
इनरुवा नगरपालिकाका नगरप्रमुख राजन मेहता, वडा नम्बर–५ का वडाध्यक्ष अञ्जनीकुमार पोखरेल र वडा नम्बर–३ का वडाध्यक्ष कालुराम गुरुङसहितको टोलीले ३० वटा योजनाहरुको प्रास्वतना पेश गरेको छ ।
प्रास्तावनामाथि सम्बन्धित निकायका मन्त्री तथा सचिवहरुले सकारात्मक रहेको प्रतिक्रिया दिएको र योजनाहरुलाई समयै कार्यान्वयन गर्नका लागि सहयोग गर्ने आश्वासनसमेत दिएको नगरप्रमुखका स्वकीय सचिव सुनोज निरौलाले बताए ।
