इनरुवा । नेपाल निजामति कर्मचारी संगठन जिल्ला कार्यसमिति सुनसरीको आयोजनामा तीन दिने प्रथम मदन भण्डारी स्मृति अन्र्तराष्ट्रिय कुस्ती दंगल प्रतियोगिता आज पनि जारी रहेको छ ।
सुनसरीको इनरुवा स्थित जेल फिल्डमा नेपाल खेलकुद महासंघ इनरुवा नगर कमिटिको व्यवस्थापक र इनरुवा नगरपालिकाको सहयोगमा हिजोदेखि सुरु भएको प्रथम मदन भण्डारी स्मृति अन्र्तराष्ट्रिय कुस्ती दंगल प्रतियोगिता भोलि बुधवारसम्म जारी रहने छ ।
कोशी प्रदेशका पूर्व मुख्यमन्त्री शेरधन राईले कुस्ती खेल ओझेलमा परेको बताउनुभयो । सुनसरीको इनरुवामा प्रथम मदन भण्डारी स्मृति अन्र्तराष्ट्रिय कुस्ती दंगल प्रतियोगिताको उद्घाटन समारोहलाई सम्वोधन गर्नुहुँदै उहाँले कुस्ती खेल राज्यको प्राथमिकतामा हुनुपर्ने बताउनुभयो ।
तीन तहकै सरकारले कुस्ती खेललाई प्राथमिकतामा नराखेको गुनासो गर्नुहुँदै कोशी प्रदेशका पूर्व मुख्यमन्त्री राईले तराई मधेशको पहिचानका रुपमा रहेको कुस्ती खेललाई सरकारले प्राथमिकतामा राखी बजेट बिनियोजन गर्नुपर्नेमा जोड दिनुभयो । कुस्ती खेललाई तीन तहका सरकारले बेवास्ता गरेको हुदाँ तराई मधेशको पहिचान नै ओझेलमा परेको र कमजोर बनाएको उहाँले बताउनुभयो ।
कुस्ती खेल तराई मधेशको परिचय र पहिचान मात्र नभई अन्र्तराष्ट्रिय स्तरमा मुलुकमा पहिचान झल्काएको उहाँले बताउनुभयो । खेलकुदको माध्यमबाट आपसी सदभाव, सहिष्णुता, विश्वास, सामुहिक भावना र एकता कायम गर्नुपर्नेमा जोड दिनुहुँदै उहाँले आफू स्वस्थ्य रहने र समाजलाई पनि स्वस्थ्य बनाउने समृद्ध सुखी समाज निर्माण गर्न खेलकुदलाई प्राथमिकतामा राख्नुपर्ने उहाँको कथन छ ।
वर्तमान परिस्थितीमा युवाहरु कुलतमा फस्दै गएको हुदाँ सही बाटोमा डोरयाउनका लागि कुस्ती खेलले मदत गर्ने उहाँले विश्वास व्यक्त गर्नुभयो । कुस्ती खेललाई प्राथमिकतामा राखेर युवा र समाजलाई सम्भ सुसंस्कृत बनाउनका निमित यस खेललाई माध्यम बनाउन जरुरी रहेको उहाँको भनाई छ ।
सुनसरी सदरमुकाम इनरुवा स्थित जेल फिल्डमा हिजोदेखि सञ्चालन भएको प्रथम मदन भण्डारी स्मृति अन्र्तराष्ट्रिय कुस्ती दंगल प्रतियोगिता तीन दिनसम्म चल्ने छ । नेपाल निजामति कर्मचारी संगठन जिल्ला कार्यसमिति सुनसरीका अध्यक्ष चिनेश्वर मेहताको अध्यक्षतामा उद्घाटन कार्यक्रम सम्पन्न भएको थियो ।
