महोत्तरी । मधेसमा दाईजो तथा तिलक लेनदेन गरेर विवाह गर्ने जातिमध्ये यादब पनि एक हो । महोत्तरीको भंगहा नगरपालिका वार्ड नम्बर ४ निवासी श्री राजेन्द्र यादवको छोरा राम सागर यादवले सिरहाको मिर्चैया नगरपालिका-११ गदहवा निवासी ओपेन्द्र यादवको छोरी निर्मला यादवसंग आदर्श बिवाह गरेका छ्न।
गत बुधबार दिन सिरहाको मिर्चैया नगरपालिका-११ गदहवा निवासी ओपेन्द्र यादवको छोरी निर्मला यादवसंग आदर्श बिवाह गर्दै र दाइजो प्रथालाई चुनौती दिदै आदर्श विवाह सम्पन्न भएको हो ।
महोत्तरीको भंगहा नगरपालिका वार्ड नम्बर ४ निवासी श्री राजेन्द्र यादवको छोरा राम सागर यादवले बिहेमा २०/२५ लाख तिलक लिनुु प्रायः सामान्य मानिन्छ ।
तर सोही जातिका एकजना लेखा अधिकृत राम सागर यादवले बिनादाईजो बिहे गरेर उदाहरणीय काम गरेका छन् ।
दहेज मुक्त समाज बनाउने सोच राखेका अधिकृत यादवले आफै बाट दहेज नलिई यो अभियानको सुर्वात गरेका बताए ।
तराईमा जडो गाडेको दाइजो प्रथालाई चुनौती दिदै बेहुला राम सागर यादवले स्वघोषणा आदर्श विवाह गरेका हुन् ।
तराई मधेशमा विपन्न देखि हुनेखाने परिवारिक पृष्ठभूमि बोकेका युवा समेतले विवाहमा दाइजो प्रथालाई प्रोत्साहन गरिरहेको र अझै सरकारी जागिरे युवाको दाइजो मोह र दाइजो मागले समाज अक्रान्त बनिरहेको बेलामा पिपरा गाउँ पालिकामा लेखा अधिकृत पदमा कार्यरत रहेका बेहुला राम सागर यादवले आदर्श विवाह गर्नाले समाजमा सकारात्मक संदेश प्रवाह हुनुका साथै दाइजो प्रथा न्यूनीकरणमा ठोस कदम चालिएको स्थानीयहरुले बताएका छन् ।
तराई मधेशमा छोरी चेलीलाई हेर्ने दृष्टिकोण परिवर्तनको लागि दहेज प्रथालाई न्यूनीकरण गर्ने परम उद्देश्यले हामी आफैबाट आदर्श विवाहको शुभारम्भ गरेका र यसलाई निकट भविष्यमा निरन्तरता दिलाउने संकल्प लिएको उनले बताए ।
उनले भने प्रत्येक युवाले तराई मधेशमा रहेको दाइजो प्रथालाई न्यूनीकरण गर्नका लागि सकारात्मक एवं रचनात्मक भूमिका खेल्नु अपरिहार्य रहेको महसुस गरेको हामी तपाईंको सहयोगले हाम्रो समाजमा रहेको विधमान कुरिती, कुसंस्कृती, अन्धविश्वास र असमानता बिस्तारै न्यूनीकरण भएर जाने विश्वास लिइएको उनले जनाएका छन् ।
