इनरुवा । नेपाल पत्रकार महासंघ सुनसरीको आसन्न निर्वाचनमा अध्यक्ष पदका लागि इनरुवाका पत्रकार इकवाल अहमदको मजबुत दावेदारी आएको छ ।
नेपाल पत्रकार महासंघ सुनसरीको आसन्न निर्वाचनमा यसपटक पनि नेपाल प्रेस युनियनले अध्यक्षको दावेदारी प्रस्तुत गर्ने देखिएको छ ।
दुई दशकदेखि सुनसरीमा पत्रकारिता गर्दै आएका इनरुवाका युवा पत्रकार इकवाल अहमदले आसन्न महाधिवेशनमा अध्यक्षको उम्मेद्वारी दिने निश्चय छ । उनी युनियनबाट अध्यक्षका सर्वाधिक निश्चित भएका उम्मेदवार हुन् ।
जिल्ला सदरमुकाम इनरुवामा रहेर पनि जिल्लाका सबै पत्रकारका माझ लोकप्रिय इकवाल अहमदलाई यसपटक सुनसरी महासंघको नेतृत्वमा पु¥याउन जिल्लाभरका पत्रकारहरु सक्रिय रहेको बताइन्छ । सत्तारुढ नेपाल कम्युनिस्ट पार्टी फुटिसकेको अवस्थामा नेकपासम्बद्ध प्रेस सेन्टरसमेत विभाजित हुने क्रममा छ । जसको प्रत्यक्ष फाइदा नेपाल प्रेस युनियनलाई हुने देखिएको छ ।
त्यसो त पछिल्लो समय नेपाल प्रेस युनियन सुनसरीले देशभरकै उत्कृष्ठ काम गरेको छ । प्रेस युनियन सुनसरीका अध्यक्ष पवन अधिकारीले जिल्लाभरका पत्रकारहरुलाई कोरोना बिमा, कोरोना राहत वितरण, दुर्घटना बिमा जस्ता लोकप्रिय काम गरेकाले पनि जिल्लाका पत्रकार माझ युनियनको लोकप्रियता बढ्दो छ ।
‘पवनजीले आफू महासंघको नेतृत्वमा अहिले नै जाने बेला नभएको बताइरहँदा युनियनबाट इकवालजीको उम्मेदवारी निश्चत छ । उहाँलाई युनियनले सर्वसम्मत अध्यक्षको उम्मेद्वार घोषणा गरे जित सुनिश्चित छ ।’ युनियनमा आबद्ध एक सञ्चारकर्मीको भनाइ छ । इकवाल यसअघि दुई पटक महासंघको निर्वाचनमा उठेका विद्रोही उम्मेदवार हुन् । संगठनले आधिकारिकता नदिए पनि ती निर्वाचनमा उनले लोकप्रिय मत पाएका थिए । ‘यस पटकको परिस्थिति बेग्लै छ, कम्युनिस्टहरु फुटेको बेला प्रजातान्त्रिक पक्षधर पत्रकारहरु बलियो भएका छन् । इकवालजीलाई एक पल्ट नेतृत्वमा पु¥याउन आवश्यक छ,’ इनरुवाका एक सञ्चारकर्मीले भने ।
यता महासंघको अध्यक्षमा उम्मेदवारी दिने मनस्थिति बनाएका इकवाल भने संगठनको निर्णय कुरेर बसेको बताउँछन् । नेपाल प्रेस युनियनले महासंघको आसन्न निर्वाचनमा आधिकारिक घोषणा गरेर आफूलाई पठाए कुनै पनि परिस्थितिमा पछि नहट्ने इकवालको भनाइ छ । ‘महासंघलाई रुपान्तरण, प्रजातान्त्रिकरण गर्न पनि युनियनको नेतृत्व आवश्यक छ । मैले विगत वर्षहरुदेखि नै एकपल्ट महासंघमा रहेर काम गर्ने योजना बनाएको हो, युनियनले आधिकारिक रुपमा निर्णय गरे पछि हट्ने छैन,’ इकवालले भने ।
इकवाल हाल नेपाल पत्रका महासंघ प्रदेश १ का सदस्य रहेका छन् । प्रेस युनियनका केन्द्रीय सदस्य भइसकेका छन् । उनी सुनसरीको सदरमुकाम इनरुवाबाट प्रकाशित हुने पहिलो दैनिक पत्रिका प्रतीक्षण दैनिकको प्रकाशक तथा सम्पादक र एडभान्स एफएमका स्टेशन मनेजरसमेत हुन् । नेपाल पत्रकार महासंघ सुनसरीको आसन्न निर्वाचनमा प्रेस सेन्टरबाट वर्तमान उपाध्यक्ष सन्तोष काफ्ले, पूर्वउपाध्यक्ष जनकऋषि राईलगायत आधा दर्जन अध्यक्षका आकांक्षी रहेका छन् ।
