इनरुवा । सुनसरीको इनरुवा नगरपालिका–१० जल्पापुरमा निःशुल्क स्वास्थ्य शिविर तथा जनचेतना कार्यक्रम सम्पन्न भएको छ । इनरुवा नगरपालिका–१० जल्पापुरको वडा कार्यालय परिसरमा शनिबार निःशुल्क स्वास्थ्य शिविर तथा जनचेतना कार्यक्रम सम्पन्न भएको हो ।
निःशुल्क स्वास्थ्य शिविरमा एक सय ४० बालबालिकाहरुले सेवा पाएका छन् । जुनियर जेसीज इनरुवाको आयोजनामा एक दिने निःशुल्क स्वास्थ्य शिविर गरिएको हो । सो शिविरमा नवजात शिशु तथा बालबालिकाहरुलाई जाँच गरेको छ ।
बाल विशेषज्ञ डाक्टर फरेन्द्र साहले एक सय ४० बालबालिकाहरुलाई शिविरमा सेवा प्रदान गरिएको जुनियर जेसीज इनरुवाका अध्यक्ष कुनाल साहले बताएका छन् । विराटनगर जेनेरल हस्पिटल एन्ड ट्रामा केयर सेन्टरका सञ्चालक डाक्टर फरेन्द्र साहले एक सय ४० जना बालबालिकाहरुलाई शिविरमा सेवा प्रदान गरेको जुनियर जेसीज इनरुवाले जनाएको छ ।
शिविरमा एक सय ४० मध्ये १८ जना बालबालिकहरुलाई निमोनिया समस्या देखिएको थियो र अन्यलाई ज्वरो र रुघाखोकी लागेकालाई उपचार गरिएको थियो । सो शिविरमा औषधि पनि निःशुल्क वितरण गरिएको आयोजकले जनाएको छ ।
