इनरुवा । नेपाल पत्रकार महासंघ सुनसरीले तीन जना पत्रकार सहित एक कार्यालय सहयोगीलाई सम्मान गरेको छ । इटहरीमा सोमवार आयोजित एक कार्यक्रमका बीच उनीहरुलाई नगद सहित सम्मान पत्रले सम्मान गरेको हो ।
सम्मानित हुनेहरुमा अग्रज पत्रकार सुविद गुरागाई, गोपाल देवान, चेतन धमला र नेपाल पत्रकार महासंघ सुनसरीकी कार्यालय सहयोगी रश्मी प्रधान रहेका छन् ।
पूर्व अर्थमन्त्री तथा संघीय सांसद् ज्ञानेन्द्रबहादुर कार्कीले स्थापना गरेको स्व. गिरिजाप्रसाद कोइराला विकास स्मृति पुरस्कारबाट अग्रज पत्रकार सुविद गुरागाई र चेतन धमलालाई नगद २५ हजार रुपैयाँ सहित सम्मान पत्रले सम्मान गरिएको हो ।
त्यसैगरि अग्रज पत्रकार सालिग्राम पाण्डे र मेनुका पाण्डेले माता लक्ष्मी र पिता चन्द्रबहादुर पाण्डेको नाममा स्थापना गरेको चन्द्र–लक्ष्मी स्मृति सृजनशील पत्रकारिता पुरस्कारबाट अग्रज पत्रकार गोपाल देवानलाई नगद ११ हजार १ सय ११ रुपैयाँसहित सम्मान पत्रले सम्मान गरिएको छ ।
त्यसैगरी नेपाल पत्रकार महासंघ सुनसरीकी कार्यालय सहयोगी रश्मी प्रधानलाई महासंघमा एक दशक भन्दा बढी कर्मचारी भएर काम गरेबापत प्रोत्साहन स्वरुप नगद पाँच हजारसहित सम्मान गरिएको नेपाल पत्रकार महासंघ सुनसरीका अध्यक्ष अमर खड्काले बताएका छन् ।
उनीहरूलाई कार्यक्रमका प्रमुख अतिथि संघीय सांसद् ज्ञानेन्द्रबहादुर कार्की, नेपाल पत्रकार महासंघका पूर्व केन्द्रीय अध्यक्ष धर्मेन्द्र झा, महासंघ सुनसरी अध्यक्ष अमर खड्का लगायतले नगदसहित सम्मानपत्र हस्तान्तरण गरेका थिए
नेपाल पत्रकार महासंघले पुरस्कार वितरण गर्न बाँकी रहेकोले सोमवार एक कार्यक्रमकाबीच पुरस्कार हस्तान्तरण गर्दै महासंघ सुनसरीका अध्यक्ष खड्काले आफनो कार्यकालको अन्तिम कार्यक्रम भएको र चारवर्षसम्म सहयोग र सल्लाह सुझावबाट आफनो कार्यकाल सफल भएको बताए ।
उनले सुनसरी शाखाका सबै पदाधिकारीहरुको टिमवर्कले कार्यकाल सफल भएको र मुलुकमै सुनसरी शाखा उत्कृष्ट घोषणा भएको दाबी समेत गरें ।
