इनरुवा।भोक्राहा नरसिंह गाउँपालिकाका अध्यक्ष महेन्द्रप्रसाद यादवलाई सुनसरी जिल्ला अदालतबाट सोमबार दोश्रो पटकमा फेरि सात दिनको म्याद थप गरिएको छ । गत बुधवार धरानको डुकु होटलबाट प्रहरीले यौनलीला गर्दैगर्दा पक्राउ गरिएको थियो ।
१७ वर्षीया बालिकासँग निर्वस्त्र होटलमा पक्राउ परेका यादवलाई प्रहरीले प्रथम पटक सुनसरी जिल्ला अदालतबाट पाँच दिनको म्याद थप गरेको थियो । जिल्ला अदालतबाट थपिएको म्याद सकिएपछि थप अनुसन्धान गर्नका लागि सोमबार फेरि सात दिनको म्याद थप गरिएको सुनसरी प्रहरीले जनाएको छ ।
१७ वर्षीया बालिकालाई विभिन्न प्रलोभन देखाई केही वर्षदेखि यौन सम्पर्क गरिरहेका यादवलाई बालिकाको उजुरीको अधारमा प्रहरीले रंगेहात पक्राउ गरेको थियो । अध्यक्ष यादवले आफ्नै पालिकामा जागिर लगाइदिने भनी प्रलोभनमा पारेर पटक–पटक सुनसरीका विभिन्न होटलमा लगेर अवैध यौन सम्पर्क राख्दै आएका थिए ।
वैशाख ८ गते बुधबार भोक्राहा नरसिंह गाउँपालिकाका अध्यक्ष यादवले चढ्ने सरकारी गाडीमा चढाएर धरानको डुकु होटलमा यौन दुव्र्यवहार गर्दै गर्दा धरान र जिल्ला प्रहरी कार्यालय इनरुवाको संयुक्त टोलीले रंगेहात पक्राउ गरेको थियो ।
