संगम बिष्ट
चतरा । शुक्रबार वैशाख शुक्ल तृतीया अर्थात् अक्षय तृतीयाको अवसरमा प्राचीन हरिद्धार चतराधाममा राधास्बेस्बरको प्राण प्रतिष्ठा गरिएको छ । अक्षय तृतीयाका दिननै चतराधाममा राधास्बेस्बर मन्दिरको तत्कालीन गृहमन्त्री माधब घिमिरेले २०७० सालमा उद्घाटन गरेका थिए ।
वराहक्षेत्र–१ प्राचिनहरिद्धार चतराधाममा जगद गुरु पिठ तथा राधाकृष्ण भक्ति साधाना आध्यामिक प्रतिष्ठानको प्राङ्गणमा मन्दिर स्थापना भएको दिनको अबसरमा शुक्रवार सदाको बर्षको जस्तै पुजा, आर्धना , वटुकहरुले बेद मन्त्र पाठ तथा मुर्तिको प्राणप्रतिष्ठान गरिएको जगद गुरु पिठका व्यवस्थापन सुनिल भट्टराईले बताए ।
वैशाख तृतीयाकै दिनदेखि त्रेता युगको सुरुवात भएको र यही दिन भगवान परशुराम जन्मिएको दिन समेत भएकाले बर्षको सवै भन्दा शुभ साहित भएकाले पिठमा विशेष आर्धना समेत गरिएको थियो । यसै दिन शिव–पार्वतीको विवाह पनि भएको थियो ।
२०५९ मा नेपालमा प्रथम पटक कुम्भ आयोजना गरेर सारा नेपालीको ध्यान आक्रषण गर्ने सफल चतरा धाममा राधासर्वेस्बरको मन्दिर निर्माणसंगै धार्मिक केन्द्रको रुपमा थप बिकास भएको थियो । दोस्रो पटक २०६३ मा दोस्रो अर्ध कुम्भ मेला र २०७० सालमा तेस्रो पटक कुम्भ मेला अर्थात दोस्रो महा कुम्भ मेला आयोजना भए पछि चतरा धामले थप प्रसिद्ध कमाएको थियो ।
तेस्रो पटक कुम्भ मेला सम्पन्न गराएका बालसन्त मोहन शरण देबाआचार्य २०६७ बैसाख १ गतेका दिन जगद गुरुको पदबाट अभिषेक भएका थिए। बालसन्तलाइ भारतीय बिद्धवान , विदुषीहरुको निर्णयमा काशी पण्डितसभा र काशी विद्बत्परिषदको सयुक्त आयोजनामा नेपाल राष्ट्रका राष्ट्रबादी, देशभक्ती , धर्मसंस्कृतिका उपासक , सनातन धर्मका अभियान्ताका रुपमा नेपालको पहिलो जगदगुरुको रुपमा एैतिहासिक घोषणा गरिएको थियो ।
वालसन्तलाई जगदगुरु घोषणा गर्दा नेपाल सरकारको सहमति र उपथिति समेत रहेको थियो । मेलाको पनि महा मेला कुम्भ उत्सव चतरामा लगाएर गुरुको पनि गुरु जगदगुरु घोषणा भए पछि उनले चतरालाई चतराधाम र चतराले उनलाई गुरुबाट जगदगुरु बनाएको जगद गुरु पिठ तथा राधाकृष्ण भक्तिसाधना आत्मामिक प्रतिष्ठानका महासचिव प्रल्लाद भट्टराई बताउछन् ।
नेपालीहरुलाई धर्मको माध्यमबाट जोड्न सकिने चिन्तन राख्ने , राष्ट्रबादी, देशभक्ती , धर्मसंस्कृतिका उपासक , सनातन धर्मका अभियान्ता बालसन्तलाई नेपाल राष्ट्रको प्रथम ऐतिहासिक जगदगुरुका रुपमा अभिषेक भए पछि नेपालीहरुकालागि गर्भ लायक दिन रहेको भट्टराई बताउछन् ।
नेपालीको छोराले पहिलो पटक ऐतिहासिक रुपमा जगदगुरुको ताज पैरिएका बालसन्तलाई तत्कालीन नेपाल सरकारले राष्ट्रिय सम्मानबाट बिभुषित समेत गरेको थियो । नेपाल सरकारले जगदगुरुको सम्मानको खातिर ललितपुरको संखमुलमा जगंबहादुरको छोरा जगदजंगले बनाएको जगदनारायणको मन्दिरमा जगदगुरुलाई निवासको रुपमा बस्ने ब्यवस्था समेत मिलाएको थियो ।
सोही जगदगुरु घोषणा गरिएको सम्झनामा बर्षको पहिलो दिन अर्थात बैशाख १ गते राधाकृष्ण भक्ति साधना केन्द्र प्रतिष्ठान चतरामा गदि आरोहन र बैसाख शुक्ल तृतीया अर्थात् अक्षय तृतीयाको अवसरमा प्राचीन हरिद्धार चतराधाममा राधास्बेस्बरको प्राण प्रतिष्ठा गरिदै आइ रहेको जगद गुरु पिठका व्यवस्थापन सुनिल भट्टराई बताउछन् ।
