चतरा । नेपाली कांग्रेस वराहक्षेत्र नगर कार्य समितिले नगरपालिकाको कार्यालयले वितरण गरेको दुहना गाई साझेदारी अनुदान कार्यक्रम लक्षित बिपन्न परिवारमा पुग्न नसेको ठहर गरेको छ ।
बैदेशिक रोजगारीमा गएर समस्या भएर फर्केका सदस्य रहेको आर्थिक रुपले बिपन्न परिवार , बिपन्न एकल महिला , बिपन्न दलित परिवार र आर्थिक रुपले बिपन्नलाई दिने भनेको साझेदारीमा गाई अनुदान जनप्रतिनिधिले आफु निकट परिबार, आफन्त र सम्पन्न परिवारलाई किर्ते गरेर अनुदान लिएको तथ्यहरु बाहिरीएको प्रति नेपाली कांग्रेस बराहक्षेत्रको गम्भीर ध्यानाकर्षण भएको छ । बुधबार नेपाली कांग्रेस बराहक्षेत्रले बिज्ञप्ति मार्फत नगरपालिकालाई निष्पक्ष छानबिन गर्न सर्वदलिय समिति गठन गर्न समेत माग गरेको छ ।
नगर प्रवक्ता जगतबहादुर कार्कीको हस्ताक्षरीत बिज्ञप्तीमा भनिएको छ , दुहना गाई साझेदारी कार्यक्रम सञ्चालन गरिएको बिषयमा बिभिन्न सञ्चार माध्यममा नगरवासीले अनियमितता तथा किर्ते गरेको भनि जनगुनासो सम्बन्धमा नेपाली कांग्रेसको नगर समितिको ध्यानाकर्षण भएको छ ।
वराहक्षेत्र ९ मा लक्षित वर्गका परिबारलाई नपुगि पहुचवाला , पार्टीका कार्यकर्ता ,विशेष नेकपा एमालेका कार्यकर्ता। हाबि भइ सामान्य नगरले निर्धारण गरेको मापदण्ड पनि पुरा नगरी बितरण गरिएको साथै वडा नं ८ मा पनि साझेदारी गाई प्राप्त गर्ने ब्यक्तिले किर्तेसंगै कार्यकर्तामुखी भएर बितरण गरेको प्रमाण बाहिर आएको हुदा नेपाली कांग्रेस नगर समिति वराहक्षेत्रको गम्भिर ध्यानाकर्षण भएको हो ।
यस्तै गैर जिम्मेवारी पुर्ण एव् लापरबाही र किर्ते काम अन्य वडामा समेत हुन सक्ने कुराको मध्यनजर गर्दै उक्त बिषयका तत्काल सर्वपक्षिय छानबिन समिति गठन गर्न र कैफियत देखिएका ब्यक्तिहरुसंग भएको गाई अनुदान सम्झौता तत्काल खारिज गरि , किर्तेलाई कार्वाही र वास्तविक लक्षित बर्गमा कार्यक्रम पुराउन नेपाली कांग्रेस बराहक्षेत्रले जोडदार माग गर्दछ ।
नगरपालिकाको आर्थिक बर्ष २०७७ । ०७८ योजना अनुसार निशर्त अनुदान अन्तर्गत गाई बितरणमा कार्यक्रता सञ्चालन गरेको थियो । १ करोड ६० लाख रुपैयाँबाट २ सय २८ वटा गाई बितरण गर्न नगरपालिकाले लक्ष्य लिएको छ । गाई खरिद गर्दा ३५ हजार कृषकले र ३५ हजार नगरपालिकाले उपलब्ध गराउने छ।
नेपाली कांग्रेस बराहक्षेत्रले सर्वपक्षिय समिति गठन गर्न माग गर्दै नगरपालिकालाई प्रेस विज्ञप्ति मार्फत अनुरोध गरेको छ । उचित छानबिन गरि पाउनु पर्ने व्यक्तिहरुलाई उपलब्ध गराउन समेत अनुरोध गरिएको छ । सर्वपक्षिय समिति गठन नभए नगरपालिकाका विरुद्ध नेपाली कांग्रेस बराहक्षेत्रले उत्रिने चेतावनी समेत दिएको छ ।
