इनरुवा । “हामीलाई रिफर होइन उपचार चाहियो” भन्ने मुल नाराका साथ इनरुवाको लोकतान्त्रिक चौकमा शुक्रवार इनरुवा अस्पताल सुधार संघर्ष समितिले धर्ना कार्यक्रमलाई जारी राखेको छ ।
इनरुवा अस्पताल सुधार संघर्ष समिति सुनसरीले मंगलवारबाट सुरु गरेको धर्ना कार्यक्रमलाई शुक्रवार पनि निरन्तरता दिएको छ । संघर्ष समितिले १० महिना अघिदेखी उठाउँदै आएको माग पुरा नभएपछि दवाव दिनका लागि चार दिनदेखी धर्ना कार्यक्रममा बस्दै आएका छन् ।
संघर्ष समितिले २५ बुँदे माग पुरा नभएसम्म शान्तिपुर्ण अन्दोलन जारी राख्ने र इनरुवा अस्पतालमा तालावन्दी गर्ने चेतावनी दिदै संघर्ष समितिका पदाधिकारीहरुले पूर्व घोषित कार्यक्रम अनुसार तीनसम्म अझै धर्ना कार्यक्रमलाई जारी राख्ने समेत बताइएको छ ।
धर्ना कार्यक्रममा संघर्ष समितिको संयोजक दिलिप चन साहु, प्रवक्ता
धर्मवीर आर्य, सदस्य अभिनन्दन यादव, बिमला देवी मेहता लगाएकाले माग सम्वोधन नभए आन्दोलनको स्वरुप
परिर्वतन गरी दवावमुलक कार्यक्रमलाई अघि सार्ने बताए ।
