इनरुवा । सुनसरी मोरङ सिचाई योजना अन्र्तगत जल उपभोक्त समवन्य समिति सुखसेना शाखा नहरको अध्यक्षमा पुनः भोक्राहा नरसिंह–२ का सुकदेव मेहता निर्विरोध निर्वाचित भएका छन् ।
यसअघिमा पनि सुखसेना नहर शाखाको अध्यक्ष पद सम्हालेर काम गरिसकेका मेहता पुनः अध्यक्ष पदमा निर्विरोध निर्वाचित भएका हुन् ।
यसैगरी उपाध्यक्ष पदमा हरिनगर–५ बसन्तपुरका रन्जित कुमार मेहता, सचिवमा हरिनगर–२ का रामनगर भुटाहाका इव्राहिम मियाँ र कोषाध्यक्षमा भोक्राहा नरसिंह–६ का सराजुद्धिन अन्सारी निर्विरोध निर्वाचित भएको निर्वाचन समितिले जनाएको छ ।
यसैगरी सदस्यहरुमा भोक्राहा नरसिंह–७ का बस्नेत मण्डल र भोक्राहा नरसिंह–२ का नारायण मेहता पनि निर्विरोध निर्वाचित भएका हुन् ।
जल उपभोक्त समवन्य समिति सुखसेना शाखा नहरको अध्यक्षमा मेहताले निर्वाचन प्रक्रियाबाट आफू लगायतको टिम बिजयी भएको बताउँदै जल उपभोक्ता समन्वय समितिले आगामी दिनमा किसानहरुको लागि काम गर्ने र सिचाईको व्यवस्था मिलाई किसानहरुले लगाएको बालीमा उत्पादन बढाउनका लागि बिशेष ध्यान दिने समेत उनले बताए ।
अध्यक्ष मेहताले सुखसेना नहर शाखा कुनै पनि पार्टी नभएको बताए । उनले किसानहरुको समस्या समाधान गर्ने र नयाँ नेतृत्वले नहरको अवलोकन गरी योजना तथा बजेट ल्याई भत्किएको नहरलाई मर्मत गरी सिचाईको प्रवन्ध मिलाउने प्रतिवद्धता समेत व्यक्त गरे । नयाँ रणनीति सहित पानी पार्टी भएको उनले बताउँदै यसमा कुनै राजनीतिकरण नहुने समेत उनले बताए ।
यता सुखसेना नहर शााखाको अर्का अध्यक्ष पदका उम्मेदवार भोक्राहा नरसिंह–१ का हिरालाल मेहता लगायतका टिमले निर्वाचन बहिष्कार गरेका छन् । निर्वाचन प्रक्रिया सुरु भएपनि उनको पक्षका उम्मेदवारहरुले मनोनयन दर्ता नगरी बहिष्कार गरेर बाहिरीएको थियो ।
