टोमराज मेहता
इनरुवा । मुस्लिम आयोगका केन्द्रीय अध्यक्ष शमिम अंसारीले गत असोज २४ गते जिल्ला प्रहरी कार्यालय सुनसरी हिरासतभित्र भोक्राहा नरसिंह–५ का हकिम साहको हत्या कि आत्महत्या भन्ने बिषयले मुस्लिम आयोगको गम्भीर ध्यानाकर्षण भएको बताएका छन् ।
जिल्ला प्रहरी कार्यालय सुनसरीको हिरासतमा मृतक हकिम साहको विषयलाई लिएर मुस्लिम आयोगले घटनाको बारेमा बुभ्mनका लागि पीडित पक्षहरुसँग प्रत्यक्ष भेटघाट गर्ने समेत उनले बताएका हुन् ।
सुरसेर दैनिकको कार्यालयमा आएर मुस्लिम आयोगका केन्द्रीय अध्यक्ष अंसारीले घटनाको निष्पक्ष छानविन हुने भएकोले सबैलाई आग्रह गर्दै पीडित पक्षहरुलाई भेटेर घटनाका बारेमा यथार्थ बुझी सरकारले निष्पक्ष छानविन गर्ने भएकोले कसैले कुनै शंका नगर्न सबैलाई आग्रह गरेका हुन् ।
सरकारद्वारा गठन भएको उच्च स्तरीय छानविन समितिले घटनाका बारेमा सरकारलाई प्रतिवेदन बुझाएपछि मात्र कुनै निष्कर्ष निस्कने उनले बताए । मुस्लिम आयोगले घटनामा संलग्न रहेको जोसुकैलाई कार्वाही गर्न माग समेत गरेको छ ।
मृतक हकिम साहको घटनामा मुस्लिम आयोगले चासो लिएको हुदाँ उचित छानविन गरी दोषीलाई कारबाही हुनेमा कुनै शंका नगर्न समेत उनले आग्रह गरे । जिल्ला प्रहरी कार्यालय सुनसरीको हिरासतभित्र मृत्यु भएका हकिम साहका परिवारलाई न्याय दिलाउनका लागि मुस्लिम आयोगको गम्भिर ध्यानाकर्षण भएको उनले बताउँदै घटनाका बारेमा गृहमन्त्रालयका सहसचिव थानेश्वर गौतमको नेतृत्वमा गठन भएको छानविन समितिले सरकारलाई बुझाउने प्रतिवेदनले हत्या कि आत्महत्या भन्ने कुरा स्पष्ट हुने बताए ।
जिल्ला प्रहरी कार्यालय सुनसरीको हिरासतमा भएको घटना दुःखद भएको बताउँदै मृतक हकिम साहका समर्थकले इनरुवा–९ बवियाका विष्णु शर्माको घरमा आगलागी र तोडफोड घटनाको निन्दा गदै दोषी पता लगाई कार्वाही गर्न माग समेत गरेका छन् ।
गृहमन्त्रालयद्वारा गठन भएको छानविन समितिले बुझाउने प्रतिवेदनलाई सबैले विश्वास गर्नुपर्ने मुस्लिम आयोगको अध्यक्ष अंसारीको भनाई छ । सुनसरीका प्रमुख जिल्ला अधिकारी इन्द्रदेव यादव, बिभिन्न राजनीतिक दलका प्रतिनिधि,सुनसरीका प्रहरीका प्रमुख र पीडित पक्षका परिवारहरुसँग घटनाको बारेमा बुझनका लागि सुनसरी आइपुगेका आयोगका अध्यक्ष अंसारीले सरकारलाई उचित छानविन गरी दोषीलाई कार्वाही गर्नका लागि सिफारिस गर्न दवाव दिने कार्यमा पछि नहटने बताए । घटनामा संलग्न दोषीलाई कार्वाही गर्न माग गर्दै न्याय दिलाउन आपूmहरु लागिपरेको बताए । घटनाको तथ्य र सत्य बाहिर आउनुपर्ने र घटनाको ढाकछोप नगरी सरकारले प्रतिवेदन सार्वजनिक गर्नुपर्नेमा उनको जोड थियो ।
घटनापछि हिन्दु र मुस्लिम दुई समुदायबीचको सम्वन्ध कायम गर्न सबैलाई उनले अनुरोध गर्दै धार्मिक सहिष्णुता नबिगार्न समेत अनुरोध गरेका थिए । मृतकका परिवार र बिष्णु शर्माले समेत न्याय पाउने गरी छानविन समितिले काम अगाडी बढाएकोले घटना कुनै पनि हालतमा ढाकछोप नहुने र दोषी पता लगाई सरकारले कार्वाही प्रक्रिया अगाढी बढाउनेमा बिश्वस्त रहन पनि सुनसरीबासीलाई आग्रह गरे ।
