गनेश कुमार यादव
इनरुवा । सुनसरीको इनरुवा नगरपालिका वडा नम्बर–२ मा शुभकामना आदान प्रदान तथा चियापान कार्यक्रम सम्पन्न भएको छ ।
समाज कल्याण युवा क्लवले इनरुवा–२ पण्डित टोलमा शुभ दिपावली तथा छैठ पर्वको अवसरमा शुभकामना आदान प्रदान तथा चियापान कार्यक्रम सम्पन्न भएको हो ।
समाज कल्याण युवा क्लवका अध्यक्ष मुकेश पण्डितको अध्यक्षतामा शुभकामना आदान प्रदान तथा चियापान कार्यक्रम सम्पन्न भएको थियो ।
कार्यक्रममा समाज कल्याण युवा क्लवका अध्यक्ष मुकेश पण्डितले शुभकामना मन्तव्य राख्दै समाज कल्याण युवा क्लवले छैठ पर्वको दिन इनरुवा–२ पण्डित टोलमा साँस्कृतिक तथा धार्मिक कार्यक्रम आयोजना गर्ने बताए ।
त्यसैगरी इनरुवा–२ का वडाध्यक्ष सुरेन्द्र प्रसाद यादवले शुभकामना मन्तव्य राख्दै हिन्दुहरुको महान पर्व दिपावली र छठ को अवसरमा जुवा,तास,कौडी लगायत राज्यले प्रतिबन्ध लगाएका क्रियाकलपा नगर्न अनुरोध गरेका थिए । दिपावली र छठ पर्वको अवसरमा सांस्कृति कार्यक्रममा कुनै किसिमका झै–झगडा नगरि सभ्य र भव्य रुपले पर्व मनाउन आग्रह गरे । अध्यक्ष यादवले आफुले सांस्कृतिक कार्यक्रममा सक्दो सहयोग गर्ने प्रतिवद्धता व्यक्त गरेका छन् ।
कार्यक्रमको प्रमुख अतिथी इनरुवा नगरपालिका वडा नम्बर–२ का वडाध्यक्ष सुरेन्द्र प्रसाद यादव, विशिष्ट अतिथी इनरुवा–२ का वडा सदस्य रन्जेश भटराई, नेपाली काँग्रस सुनसरी इनरुवा–२ का वडा सभापती बादल साह,जय प्रकाश ठाकुर,आलोक थापा मगर, हिमाल थापा मगर,सुनिल पण्डित, समाजसेवी सुजित राणा मगर लगायत स्थानिय वासिन्दाहरुको सहभागितामा कार्यक्रम सम्पन्न भएको थियो ।
