डीके रेग्मी
इनरुवा । पंचायती व्यवस्थाको निरंकुशताको समयमा होस् या राणा शासनको जाहानिया शासनको समयमा होस, प्रजातन्त्रका लागि लगातार हौसाउने व्यक्तित्वका रुपमा चिरपरिचित थिए साविक इनरुवा २ हाल इनरुवा १ निवासी स्व. डा. केशरीराज कोइराला ।
हिजोको समयमा सुनसरी जिल्लाबाट विजयी भएका कांग्रेसका वरिष्ठ नेताहरु राय सुझाव लिन आउथे कोइराला निवासमा । आजसम्मका सुनसरी जिल्लाले उत्पादन गरेका नेताहरुको प्रेरणाको स्रोतका रुपमा परिचित निःस्वार्थ अनि त्यागी, प्रजातन्त्रका लागि लडिरहने उनै केशरीराज कोइरालाका जेष्ठ सुपुत्र हुन राजीव कोइराला । राजनीतिका नाममा गरिने देखावटी तडकभडक हिजो डा. केशरीराज कोइरालामा थिएन आज राजीव कोइरालामा पनि छैन जुन अहिलेसम्म सबैले महसुस गरेको कुरा हो यो ।
सुनसरी जिल्लामा ‘राजीव दाई’को उपनामले परिचित राजीव कोइराला दुई कार्यकाल सुनसरी जिल्लाको पार्टी सभापति पद सफलतापूर्वक पूरा गरीसकेका छन् । त्यस्तै सुनसरी जिल्ला क्षेत्र नं. २(ख) बाट सभासद पदमा विजयी भई प्रदेश नं. १ को प्रमुख प्रतिपक्षी दलका नेता हुँदै अहिलेको सरकार बनाउन महत्वपूर्ण योगदान पु¥याएका कोेइराला नेपाली कांग्रसमात्र नभएर सुनसरी जिल्लाका सम्पूर्ण युवाहरुको प्रेरणाको स्रोत बन्न अहिलेसम्म सफल छन् ।
सुनसरी जिल्लाको राजनीतिमा कसैलाई काखा, कसैलाई पाखा नगरी गुटभन्दा माथि उठेर कसैले राजनीति गरेको छ भने त्यो हो राजीव कोइराला । कसैको आखामा पनि अहिलेसम्म नबिझाएका व्यक्तित्व हुन राजीव कोइराला जसले कांग्रेसभित्र बिपीदेखि किशुनजी, गिरिजाबाबु, गणेशमान, सुशीलदा आदि सबैको निष्ठाको राजनीति बचाउन, कांग्रेसका इमानदार कार्यकर्ताको मनोबल बढाउन सदैव लागि परे कहिल्यै विचलित भएनन् ।
नेपाली कांग्रेसको जारी १४ औं अधिवेशनमा समेत आफ्नो गृह क्षेत्र सुनसरी क्षेत्र नं. २(ख) मा सम्पन्न अहिलेसम्मका आन्तरिक चुनावमा समेत सबैलाई समेटन सफल व्यक्तित्वको रुपमा छाप छोड्न सफल व्यक्तित्व हुन राजीव कोइराला । त्यसैले पनि राजनीतिमा प्रवेश गर्न चाहने युवा पुस्ताका लागि आदर्श बन्न सफल छन कोइराला । पछिल्लो राजनीतिक वृत्तमा अहिलेका संचारमन्त्री ज्ञानेन्द्रबहादुर कार्की, संघीय सांसद सिताराम मेहता, नेपाली कांग्रेसका उपसभापति विजय कुमार गच्छदार, प्रदेश ४ख का सभासद हाजी ताहिर अन्सारीलगायतलाई विजयी गराएर सुनसरी जिल्लालाई देशै भर चिनाउन सफल व्यक्तित्व पनि हुन कोइराला ।
आपूm बसेको समाजलाई साक्षी राखेर, त्यही समाजको हौसलामा सुनसरी क्षेत्र नं. २(ख) बाट नेपाली कांग्रेसको चुनाव लडेका कोइरालाले अहिले प्रदेश नं. १ को प्रदेश कार्य समितिको सभापति पदमा उम्मेदवार हुने घोषणा गरेका छन् । कोइरालालाई मत दिनु तपाईं हामीमा रहेको लोकतान्त्रिक आस्थाको सम्मान तथा एउटा निरन्तर राजनीतिक पृष्ठभूमिबाट उठेका निष्ठा र सत्यका पक्षपाती युवालाई काम गरेर देखाउने अवसर दिनु हो । तसर्थ ‘सालिन अनि निष्ठावान कोइराला, अब नभए कहिले ?’ भन्ने नाराका साथ कोइरालालाई जिताउन सबै लागौं ताकि निष्ठाको राजनीति मर्न नपाओस् ।
