इनरुवा । जनता समाजवादी पार्टीका केन्द्रीय कारणी सदस्य पर्शुराम बस्नेतले प्रतिगामी सरकारविरुद्ध मुलुकभर आन्दोलन गरिरहेको बताए ।
जनता समाजवादी पार्टी नेपालले संसद् विघटन गरेको कार्य अलोकतान्त्रिक र असंवैधानिक भएको ठहर गरेपछि मुलुकभर एकै दिन विशाल विरोध र्याली प्रदर्शन गर्ने क्रममा सुनसरी सदरमुकाम इनरुवामा पनि आयोजना गरेको बताए ।
इनरुवा नगरपालिकामा विरोध र्याली प्रदर्शन गर्दै इनरुवा बसचोकमा कोणसभालाई सम्बोधन गर्दै नेता बस्नेतले राष्ट्रपति र प्रधानमन्त्रीले चालेको कदम नै गलत भएका कारण आफूहरु संघर्षको आन्दोलनमा उत्रेको बताए ।
नेता बस्नेतले प्रतिगामी सरकारविरुद्ध आफूहरुले आन्दोलन जारी राख्ने चेतावनी दिएका छन् । संसद् पुर्नस्थापित नभएसम्म प्रत्येक जिल्लामा विरोधलगायतका कार्यक्रमहरु सञ्चालन गरिरहनेसमेत बताए ।
जसपाका नेता भुवनेश्वर यादवले कम्युनिस्ट सरकारका राष्ट्रपति र प्रधानमन्त्रीको आफ्नै दलमा कुरा नमिल्दा संस्द विघटन गरेर मुलुकलाई खतरामा पार्न खोजेको आरोप लगाए ।
यादवले संविधानको विरोधी राष्ट्रपति र प्रधानमन्त्री स्वयं भएकाले उनीहरुले कुनै पनि हालतमा संसद् पुर्नस्थापन गर्नुपर्नेमा जोड दिएका थिए । आन्दोलन सुनसरीमा चर्किसकेको हुनाले आन्दोलनले अर्को रुप लिए राष्ट्रपति र प्रधानमन्त्रीले सम्पूर्ण जिम्मेवारी लिनुपर्ने बताए ।
जनता समाजवादी पार्टी नेपाल सुनसरीको अध्यक्ष भगिरथ खत्वेको अध्यक्षतामा विरोध र्याली प्रदर्शन कार्यक्रम सम्पन्न भएको थियो । अध्यक्ष खत्वेले विरोध कार्यक्रमबाट नटेरे आन्दोलनको स्वरुप परिर्वतन गरेर अगाडि बढ्नेसमेत चेतावनी दिएका छन् ।
राष्ट्रपति र प्रधानमन्त्रीले समयमै संसद् पुर्नस्थापित गरे महाविद्वान कहलाउनेसमेत उनले जिकिर गरें ।
विरोध कार्यक्रममा संविधान सभा सदस्य सविता यादव, युवा नेता मनोज यादव, जसपाका केन्द्रीय सदस्य दिनेश मेहता, जसपा सुनसरीका सचिव प्रदीप कार्की, उपसचिव अभिनन्दन कुमार यादव, युवा नेता धर्मवीर मेहता, धर्मेन्द्र मेहता लगायतको सहभागिता रहेको थियो ।
