इनरुवा । नेपाली कांग्रेसका नेता तथा निर्माण व्यावसायी विनित यादवले पार्टी परित्याग गरी नेकपा एमालेमा प्रवेश गरेको छ । भोक्राहा नरसिंह गाउँपालिका वडा नं.७ मा पार्टी प्रवेश कार्यक्रममा युवा नेता यादव नेकपा एमाले पार्टी प्रवेश गरेको हो ।
यादवसँगै १३ जना व्यक्तिहरु कांग्रेस र जनता समाजवादी पार्टी परित्याग गरी नेकपा एमाले प्रवेश गरेका छन् ।
भोक्राहा नरसिंह गाउँपालिका वडा नं. ७ मा नेपाली कांग्रेस र जसपा नेपालको गढ मानिने वडा भएपनि सो वडामा नेकपा एमाले पछिल्लो समय आफ्नो सकृयता बढाएपछि अहिले बिभिन्न पार्टी परित्याग गरी नेकपा एमालेमा प्रवेश गर्नेको संख्या बढ्दै गएको नेकपा एमाले भोक्राहा नरसिंह गाउँपालिकाका अध्यक्ष रामकुमार मेहताले बताए ।
शनिबार भोक्राहा नरसिंह गाउँपालिका वडा नम्बर ७ नरसिंहमा आयोजित पार्टी प्रवेश कार्यक्रममा पुर्व प्रदेश नं.१ का उद्योग, पर्यटन, वन तथा वातावरण मन्त्री एंव नेकपा एमालेका केन्द्रिय सदस्य तथा सुनसरी जिल्ला इन्चार्ज जगदिश प्रसाद कुसियैतले नेपाली कांग्रेसका परित्याग गरी नेकपा एमालेमा प्रवेशका गरेका यादवलाई अबिर र गम्छा लगाएर स्वागत गरेका थिए । उनीसँगै जसपा पार्टी परित्याग गरी अन्य व्यक्तिहरु समेत नेकपा एमाले प्रवेश गरेको नेकपा एमाले भोक्राहा नरसिंहका अध्यक्ष मेहताले जानकारी दिए ।
पार्टी प्रवेश कार्यक्रममा नेकपा एमालेका केन्द्रिय सदस्य पोष्ट कुमार नेपाल, १ नं.प्रदेश कमिटी सदस्य रामप्रसाद मेहता, जिल्ला सचिव पर्शुराम यादव, जिल्ला सदस्यहरु इन्द्र पोखरेल, सरोज बराल, रमेश प्रसाद यादव, बाबुराम साह, दिल्ली विष्ट, नेकपा एमाले भोक्राहा नरसिंह गाउँ कमिटीका अध्यक्ष रामकुमार मेहता, भोक्राहा नरसिंह गाउँ कमिटी सचिव हात्तिम अंसारी, पुनम साह, अन्जनी पोखरेल, बसरुद्धिन मंसुरी, बसिरमुद्धिन मंसुरी, मनोज मेहता, दिपक यादव, संजय केडी लगायतका नेता तथा कार्यकर्ताहरुको सहभागीता रहेको थियो ।
