इनरुवा। भोक्राहा नरसिंह गाउँपालिका वडा नं. ६ का शिवचरण मेहताका १३ वर्षीय अपहरित छोरा धिरज कुमार मेहतालाई प्रहरीले उद्धार गर्न सफल भएको छ । निज बालकलाई अज्ञात समूहले जबर्जस्ती आफ्नो मोटरसाइकलमा राखी अपहरण गरेको समाचार पाएको प्रहरी टोलीले खोजतलास गरी उद्धार गर्न सफल भएको हो ।
अपहरणको समाचार प्राप्त भएपछि प्रहरी चौकी भुटाहाको टोलीले संभावित एरिया ईलाकाहरुमा खोज तलास गर्ने क्रममा शनिबार सााझ ७ बजे जिल्ला सुनसरी हरिनगर–१ रामनगर भुटाहा भित्री सडक खण्डमा ईनरुवा नगरपालिका – १० जाल्पापुर बस्ने ईन्जात मियाले भारतिय नम्बरको मोटरसाईकलमा चढाउन खोज्दै गरेको देखि तत्काल नियन्त्रणमा लिईएको थियो ।
बालकलाई उद्धार गरि सोधपुछ गर्दा निज खेल्दै गरेको अवस्थामा ईन्जात मियाले को.२६.प.४२२४ नं.को मोटरसाईकलमा आई जबरजस्ती मोटरसाईकलमा चढाई लाँदै गरेकोमा बालक मोटरसाईकलबाट भाग्न सफल भएका थिए । ईन्जात मियाले मोटरसाइकल रोकेको अवस्थामा मौका हेरी बालकले निजले प्रयोग गरेको को.२६.प.४२२४ नं.को मोटरसाईकल लिई भाग्न सफल भएका थिए ।
सुनसरी हरिनगर–१ रामनगर भुटाहा स्थित भित्री सडक खण्डमा आई पुग्दा सो मोटरसाईकलको तेल सकिएको, निजलाई पछ्याउँदै भारतिय BR 38 U 3799 नं.को पल्सर मोटरसाईकलमा आएका ईम्तियाज भन्ने ईन्जात मियाले फेला पारी पुनः मोटरसाईकलमा चढाई लैजान खोजेको भनि बालकले बताएपछी तत्काल ईन्ताज मियालाई पक्राउ गरिएको भुटाहा प्रहरी चौकीका इन्चार्ज बलराम यादवले बताए ।
निज ईम्तियाज मिया विरुद्द मुलुकी फौजदारी अपराध संहिता – २०७४ को परिच्छेद १७ अनुसार ‘अपहरण तथा शरिर वन्धक’ सम्वन्धि कसुरमा सम्मानित सुनसरी जिल्ला अदालतवाट दिन ५ (पाच) म्याद लिई जिप्रका सुनसरीवाट अनुसन्धान प्रकृया शुरु गरिएको छ ।
