इनरुवा । जनक स्मृति माविको कक्षा १० मा अध्ययनरत बिद्यार्थीहरुको पहलमा माया घर इटहरीलाई खाधन्न समाग्री हस्तान्तरण गरेको छ ।
सो विद्यालयका विद्यार्थीहरुले शनिबार माया घर इटहरी पुगेर त्यहाँ रहेका असहाय तथा अनाथ बालबालिका, परित्यक्त ज्येष्ठ नागरिक एवं मानसिक रोगीहरुका लागि खाधन्न समाग्री हस्तान्तरण गरेको जनक स्मृति मावि कक्षा १० मा अध्ययनरत छात्रा निष्ठा निरौलाले बताइन् ।
बिद्यार्थीहरुले आफ्नो खाजा खर्चबाट बचाएको रकमबाट खाद्यन्न समाग्री उपलब्ध गराएको अर्की छात्रा अपेक्षा अधिकारीले बताइन् । खाधन्न समाग्रीहरु २५ केजि चामल, ५० केजि आलु, २० केजि कोभि, १२ केजि आँटा, ५ लिटर तोरीको तेल, एक कार्टुन फ्रुटी, ५ केजि स्याउ, २ केजि अंगुर, ५ केजि मसुरी दाल, दुई क्रेट अण्डा र चकलेटहरु हस्तान्तरण गरेका थिए । सोही अवसरमा विद्यार्थी सुदर्शन भट्टराईको जन्मदिनको अवसरमा केक काटेर मनाइएको थियो ।माया घर इटहरीकी सचिव सुभद्रा प्याकुरेलले भनिन,‘विद्यार्थी भाइ बहिनीहरुमा यस्तो सहयोगको भावना सदैव रहिरहोस् ।’
विद्यार्थीहरुले खाजा खर्चबाट जोगाएर आर्थिक रकम संकलन गरेर माया घरका रहेका व्यक्तिहरुप्रति देखाएको सहानुभुतिलाई उच्च कदर गर्दै आगामी दिनमा सहयोगको अपेक्षा गर्छु । त्यस्तै माया घर संचालन समितिका उपाध्यक्ष जनक कार्कीले बिद्यार्थी भाइहरुले गरेको यो सहयोग धेरै ठुलो भएको र भगवानले सदैव आशिर्वाद दिने बताए ।
सहयोगले विद्यार्थीहरुको उज्जवल भविष्यको कामना गर्दै सामाजिक कार्यमा समेत संलग्न हुन आवश्यक रहेको बताए ।
विद्यार्थीहरुले आफ्नो पहलमा गरेको यस्तो सहयोगको सराहना गर्नुपर्ने र उनीहरुमा सदैव खान पुगोस् र दिन पुगोस् भन्ने शिक्षक सरोज बरालको भनाइ रहेको थियो ।
