इनरुवा । सुनसरीको इनरुवामा मंगलबार नेपाली काँग्रेसले बृहत चुनावी आम सभा सम्मपन्न गरेको छ । इनरुवा–२ मा रहेको नेपाली काँग्रेस सुनसरीको पार्टी कार्यालयबाट हजारौं जनसहभागितामा शक्ति प्रदर्शन गर्दै इनरुवा–४ बस चौकमा नेपाली काँग्रेसले बृहत चुनावी आम सभा सम्मपन्न गरेको हो ।
चुनावी आमसभालाई सम्वोधन गर्दै संघीय सांसद सिताराम मेहताले नेपाली कांग्रेसले इनरुवा नगरपालिकामा योग्य र दक्ष व्यक्तिहरुलाई टिकट उपलब्ध गराएकोले जिताउन आवश्यक रहेको बताएका छन् । सांसद मेहताले इनरुवा नगरपालिकामा नेपाली कांग्रेसको तर्फबाट मेयरमा केदार भण्डारी र उपमेयर बिनिता कुमारी मेहता लगायत इनरुवाको १० वटै वडामा सक्षम नेतृत्व गर्न सक्ने उम्मेदवारहरुलाई चुनावी मैदानमा ल्याएकोले कांग्रेसको चुनाव चिन्हमा मतदान गरी बिजयी बनाउन मतदाताहरुलाई अनुरोध गरेका छन् ।
पूर्व राज्यमन्त्री समेत रहेका मेहताले नेकपा एमालेले नेपाली काँग्रेसका जिल्ला कार्य समिति सदस्य सहजादी प्रविणलाई राता रात चोरेर लगेको अभिव्यक्ति दिए ।
बृहत चुनावी आम सभा मेहताले भने ‘नेकपा एमालेका साथिहरुले भ्रम फैलाई रहेका छन् । नेपाली काँग्रेसले मुस्लिम समुदायलाई सम्मान दिएन ।,‘ नेपाली कांग्रेस सबै जातजातिको साझा पार्टी हो ।’त्यसैले सुनसरीमा तीन पालिकामा मुस्लिम नेताहरुलाई अध्यक्ष पदमा कांग्रेसबाट उम्मेदवारी दिएको छ । सबै पालिकामा जात,धर्म अनुसार मिलाइएको हो । इनरुवा नगरबासीहरुलाई अन्यथा नलिई कांग्रेसका उम्मेदवारहरुलाई निर्धक्कसँग मतदान गरी बिजयी बनाउनुपर्ने मा उनले जोड दिएका थिए ।
त्यसैगरी नेपाली कांग्रेसका केन्द्रीय सदस्य तथा प्रदेश १ का संसदीय दलका नेता राजीव कोइरालाले इनरुवा नगरपालिकामा पुर्व मेयर राजन मेहताले रात्रीकालिन खेलकुद गरेर अन्तराष्ट्रिय जगतमा इनरुवालाई चिनाउने काम गरेको बताए । गत स्थानीय तहको निर्वाचनमा नेपाली कांग्रेसको तर्फबाट मेयरमा राजन मेहता र उपमेयरमा जमुना गौतम पोखरे निर्वाचित भएका थिए । इनरुवाको विकासमा टेवा पुगाएको भन्दै इनरुवाको पहिचानलाई कायम गर्न सफल भएकोले अनर्गल प्रचारबाजी गरेर अन्यदलहरु चुनावी समयमा मत बटुल्नका बिभिन्न प्रोपगण्डा अपनाएको समेत उनले बताए । नेपाली कांग्रेस इनरुवा नगर सभापति राजन मेहताले नेपाली कांग्रेसको तर्फबाट इनरुवा नगरपालिकाको मेयर र उपमेयर, वडाध्यक्ष र सदस्य पदका उम्मेदवारहरुलाई बिजयी बनाउनुपर्नेमा जोड दिए । इनरुवा नगरबासीले एकताका साथ बैशाख ३० गते शुक्रवार हुने स्थानिय तहको निर्वाचनमा कांग्रेसको चुनाव चिन्ह रुख छापमा मतदान गरी अपिल गर्दै एक अर्कालाई सहयोग गर्नुपर्नेमा उनले जोड दिएका थिए ।
कार्यकाक्रमा नेपाली काँग्रेसको तर्फबाट इनरुवा नगरपालिकाको मेयर,उपमेर लगायत दश वटै वडाका वडा अध्यक्ष पदका प्रत्यासिहरुले आम सभामा आफ्ना मिसन र भिजन सहिताका मन्तव्य राखेका थिए ।
कार्यक्रममा नेपाली काँग्रेसका केन्द्रिय सदस्य राजिव कोईराला,पूर्व राज्य मन्त्री सिताराम हमेहता,नेपाली काँग्रेसका जिल्ला सभापति केदार भण्डारी,प्रदेश सांसद ज्योती सुब्बा लगायत हजारौंको सहभागिता रहेको थियो ।
