इनरुवा । सुनसरीको कोसी गाउँपालिकामा नेपाली कांग्रेसले आसन्न स्थानीय निर्वाचन आमसभा सम्पन्न गरेको छ । कोसी गाउँपालिकाको लौकहीमा आसन्न स्थानीय निर्वाचन आमसभा मंगलवार सम्पन्न भएको हो । नेपाली कांग्रेसको तर्फबाट कोसी गाउँपालिकाका अध्यक्ष पदका उम्मेदवार ऐयुव अन्सारीले घरदैलो अभियानमा कोसीका जनताले मनबाट आर्शिवाद दिएकोले जित सुनिश्चित भएको बताएका छन् । कोसीको आसन्न स्थानीय निर्वाचन आमसभालाई सम्वोधन गर्दै अध्यक्ष पदका उम्मेदवार अन्सारीले कांग्रेसको घरदैलो अभियानमा जनताले उत्साहित भएर आपूm लगायतको टिमलाई आर्शिवाद दिएकोले जित सुनिश्चित भएको दावी गरे ।
नेपाली कांग्रेसले कोसी गाउँपालिकाले आप्mनो घोषणा पत्रमा सार्वजनिक गरेका प्रतिवद्धताहरुलाई पूरा गर्न कठिवद्ध रहेको समेत उनले बताए । गत स्थानीय तहको निर्वाचनमा सार्वजनिक गरेका प्रतिवद्धता तथा संकल्पहरु सबै पूरा गरेकाले पुनः जनतामाझ आप्mना प्रतिवद्धताहरु सार्वजनिक गरेकाले नेपाली कांग्रेसका उम्मेदवारहरु कोसीमा बिजयी भए सबै सकंल्प र प्रतिवद्धताहरु पूरा गर्ने उनको भनाई छ । कांग्रेसको जनलहर दिनप्रतिदिन बढ्दै गएकोले शुक्रवार हुने चुनावमा कांग्रेसको रुख छापमा मतदान गरी कांग्रेसको स्थानीय सरकार निर्माण गर्न कोसीबासीहरुलाई उनले आग्रह समेत गरे ।
बाढीयामको मौसममा सर्वसाधारणहरुलाई आउजाउ गर्न समस्यालाई अन्त्य गरीएको उनले बताउँदै कोसीमा विकास निर्माणका कार्यहरु इमान्दारिताका साथ पूरा गरेकाले एक पटक पुनः सेवा गर्न मौका प्रदान गर्नका लागि समेत उनले अपिल गरेका छन् ।
कोसीमा किसानहरुको लागि सिचाईको सुविधा हुने गरी प्रवन्ध मिलाउने र सिचाई मिटरमा ५० प्रतिशत किसानहरुलाई छुट दिने समेत घोषणा उनले गरेका छन् । कृषिमा आधारित यस क्षेत्रका जनताका लागि बिभिन्न योजनाहरुलाई आत्मनिर्भर बनाउनका लागि बिशेष योजनाका साथ काम गर्ने समेत उनले बताए ।
कोसी गाउँपालिकामा नेपाली कांग्रेसको स्थानीय सरकार निर्माण भए बाँकी रहेका कामहरुलाई पूर्णता दिइने र जनतामुखी सरकारको अनुभूति हुने गरी पाँच वर्ष कोसीका जनताको लागि काम गर्ने अध्यक्ष पदका उम्मेदवार अन्सारीको भनाई छ ।
कोसी गाउँपालिकामा अन्य दलहरुले आमसभा नगरेको उनले भन्दै जनतालाई भडकाउने, लोभ देखाउने र पैसा बाड्ने काम मात्रै गरेकोले त्यस्ता नेताहरुले जनताले चाहेको जस्तो विकास नगरी भ्रष्टाचारमा मात्रै लिप्त रहने हुनाले विकास गर्ने नेतालाई चुनेर विकास गर्ने जिम्मेवारी दिनुपर्नेमा मतदाताहरुलाई अनुरोध गरेका छन् ।
कोसी गाउँपालिकामा नेपाली कांग्रेसको सरकार भएको पाँच वर्ष बित्दै गर्दा एक रुपैयाँ पनि कसैको घुस नखाई जनताको सेवमा समर्पित रहेको दावी गरे । उनले कोसी टप्पु वन्यजन्तु आरक्षका जंगली हातीहरुले दर्जनौ व्यक्तिहरुको ज्यान लिदाँ समेत आपूmले सहयोग गरेका बताए । अन्य पार्टीका नेताहरुले कुनै चासो नदेखाएको आरोप लगाउँदै उनले जनताको साथमा रहेर हरेक समस्यामा साथ र सहयोग गर्दै आएकोले एक पटक पुनः कांग्रेसका उम्मेदवारहरुलाई जिताउन आवश्यक रहेको उनको भनाई छ ।
